بۇگىن وبلىس اكىمى مۇرات ەرگەشباەۆتىڭ قاتىسۋىمەن دۇنيەجۇزىلىك تازالىق كۇنىنە وراي قورشاعان ورتانى قورعاۋعا باعىتتالعان ەكولوگيالىق اكتسيا ءوتتى.
وعان قۇرىلتاي دەپۋتاتتارى، قۇقىق قورعاۋ ورگاندارىنىڭ ءبىرىنشى باسشىلارى،ارداگەرلەر مەن زيالى قاۋىم وكىلدەرى، وبلىستىق جانە قالالىق ءماسليحات دەپۋتاتتارى، وبلىستىق باسقارما، دەپارتامەنت جانە ينسپەكتسيا باسشىلارى مەن قىزمەتكەرلەرى، ەرىكتىلەر، ەكو بەلسەندىلەر، جاستار ۇيىمدارى جانە ستۋدەنتتەر قاتىستى.
اكتسيانىڭ ماقساتى - جۇرتشىلىقتى ورتاق ىسكە جۇمىلدىرۋ، ەكولوگيالىق مادەنيەتتى دامىتۋ، قورشاعان ورتانى قوقىستان تازارتۋ جانە تۇرعىنداردىڭ ءومىر سۇرۋىنە قولايلى جاعداي جاساۋ.
وسىعان وراي، وبلىستىڭ بارلىق ەلدى مەكەنىندە جانە قىزىلوردا قالاسىنداعى «قايسار ارەنا» ستاديونىندا جاپپاي سەنبىلىك، تال ەگۋ شارالارى ءوتتى.
«پرەزيدەنتىمىزدىڭ باستاماسىمەن قولعا الىنعان «تازا قازاقستان» رەسپۋبليكالىق ەكولوگيالىق اكتسياسى اياسىندا وڭىرىمىزدە كوركەيتۋ-كوگالداندىرۋ، اباتتاندىرۋجۇمىستارى جۇرگىزىلۋدە.
سىر جۇرتشىلىعى جالپىۇلتتىق اكتسياعا العاشقى كۇننەن باستاپ بەلسەنە قاتىسىپ، تۋعان ولكەمىزدىڭ تازالىعى مەن كوركەيۋىنە زور ۇلەس قوسىپ كەلەدى.
جىل باسىنان بەرى تازالىق شارالارىنا 400 مىڭنان استام كاسىپكەرلەر، كوممۋنالدىق سالا قىزمەتكەرلەرى، ەرىكتىلەر مەن بەلسەندى جاستار قاتىستى.
ءوڭىرىمىزدىڭ كليماتىنا سايكەس كەلەتىن 88 مىڭنان استام تال مەن كوشەت ەگىلدى.
تازالىق ءار ۇيدەن، ءار اۋلادان، ءاربىر ەلدى مەكەننەن باستالادى.
سوندىقتان تابيعاتتى قورعاۋ ىسىندە مەملەكەتتىك مەكەمەلەرمەن قاتار، كاسىپكەرلەردىڭ، قوعامدىق ۇيىمداردىڭ جانە ءاربىر تۇرعىننىڭ بەلسەندىلىگى ماڭىزدى.
بۇگىنگى اكتسيادا تازالىق جۇمىستارىن اتقارىپ، سونىمەن قاتار، اعاش كوشەتتەرىن ەگەمىز.
بارشاڭىزدى تۋعان جەرىمىزدىڭ تازالىعى مەن كوركەيۋىنە ۇلەس قوسۋعا شاقىرامىن»،- دەدى مۇرات نالقوجاۇلى.
شارا بارىسىندا قۇرىلتاي دەپۋتاتى يرينا تەن ەكولوگيالىق جاۋاپكەرشىلىكتى ارتتىرۋ جانە تابيعاتتى قورعاۋ باعىتىنداعى جۇمىستاردىڭ ماڭىزدىلىعىن اتاپ ءوتتى.
ايتا كەتەيىك، وبلىس بويىنشا ۇيىمداستىرىلعان شارالارعا 12000-عا جۋىق ادام قاتىسىپ، 1750-گە جۋىق تال ەگىلدى. جىل باسىنان تازالىق شارالارىنا 328 800 ەرىكتى، قوعام قايراتكەرلەرى، بيۋدجەت سالاسىنىڭ، كاسىپورىنداردىڭ قىزمەتكەرلەرى قاتىستى.8741 توننا قوقىس قالدىعى شىعارىلىپ، ەلدى مەكەندەردەگى 510 سكۆەر مەن پارك، 256 تاريحي-مادەني ەسكەرتكىش، 1019 الەۋمەتتىك، 1897 ونەركاسىپ جانە بيزنەس نىسانى، كوشەلەردىڭ بويى تازارتىلدى. وعان 548 تەحنيكا جۇمىلدىرىلدى.
@قىزىلوردا وبلىسى اكىمىنىڭ ءباسپاسوز قىزمەتى
