وعان وبلىستىق ءماسليحات توراعاسى مۇرات تىلەۋىمبەتوۆ، قازاقستاننىڭ ەڭبەك ەرلەرى ابزال ەراليەۆ، يمامزادا شاعىرتاەۆ، اۋدان اكىمدەرى، زيالى قاۋىم وكىلدەرى كەلدى.
ايماق باسشىسى اۋىل شارۋاشىلىعى سالاسىنىڭ ارداگەرلەرىمەن بىرگە قامبا استىققا تولىپ، شارۋا ەڭبەگى تابىستى بولۋىنا تىلەكتەستىك ءبىلدىردى.
ءارى قاراي شارا قوناقتارى اۋىل شارۋاشىلىعى تەحنيكالارى، تىڭايتقىش، گەربيتسيدتەر جانە تۇقىم كورمەسىمەن تانىستى.
ەگىس القابىندا وتكەن جيىن «دالا كۇنى» سەمينار-كەڭەسىمەن جالعاستى. سەميناردا مەملەكەتتىك مەكەمەلەر مەن شارۋاشىلىق باسشىلارى سالاداعى وزەكتى ماسەلەلەردى باياندادى.
وتكەن جىلى ەلىمىزدە ديقاندارعا كوكتەمگى ەگىن، كۇزگى جيىن-تەرىن جۇمىستارىنا 5 پايىزبەن بەرىلەتىن جەڭىلدەتىلگەن نەسيە كولەمى العاش رەت 500 ملرد. تەڭگەدەن اسسا، بيىل بۇل قاراجات 700 ملرد تەڭگە بولدى. ديقان قاۋىمعا «كەڭ دالا-2» باعدارلاماسى ارقىلى قولداۋ كورسەتىلۋدە. نەسيەنىڭ 85 پايىزىن «دامۋ» كاسىپكەرلىكتى قولداۋ قورى، تەك 15 پايىزىن عانا شارۋاشىلىقتار كەپىلدەندىرەدى.
الدىڭعى جىلدارى كوكتەمگى جانە كۇزگى دالا جۇمىستارىن قارجىلاندىرۋعا «اگرارلىق نەسيە كورپوراتسياسى» نەبارى 2-3 ملرد. تەڭگە ءبولىپ كەلسە، بيىل قارجى كولەمى توعىز ەسە ارتىپ، 18 ملرد. 500 ملن. تەڭگەگە جەتتى. ودان بولەك، اۋىل شارۋاشىلىعى سالاسىن ارتاراپتاندىرۋداعى ءىرى ينۆەستيتسيالىق جوبالاردى قارجىلاندىرۋ ءۇشىن سولتۇستىك قازاقستان وبلىسى تاجىريبەسى نەگىزىندە جەڭىلدەتىلگەن نەسيەلەندىرۋ باعدارلاماسى جۇزەگە اسىرىلۋدا.
بيىل وبلىستا سۋ ۇنەمدەۋ تەحنولوگيالارىن پايدالانۋ كولەمىن 9 200 گەكتارعا جەتكىزۋ، وتكەن جىلمەن سالىستىرعاندا 2 ەسە ارتتىرۋ مەجەلەنگەن. بۇل باعىتتا دا مەملەكەتتىك قولداۋ شارالارى قاراستىرىلعان. جابدىقتاردى ساتىپ الۋعا جانە قۇرۋعا كەتكەن شىعىنداردىڭ 80 پايىزىنا دەيىن مەملەكەت تاراپىنان سۋبسيديالانادى. سوڭعى جىلدارى 55 مىڭ گەكتار كۇرىش القابى لازەرلىك تەگىستەۋدەن وتكىزىلدى. بيىل 60 مىڭ گەكتارعا دەيىن جەتكىزىلەدى.
وڭىردە 193 700 گەكتارعا اۋىل شارۋاشىلىعى داقىلدارىن ەگۋ جوسپارلانعان، ونىڭ 85,9 مىڭ گەكتارىنا كۇرىش سەبىلمەك. ال مايلى جانە مالازىقتىق داقىلداردى وتكەن جىلعا قاراعاندا 3 400 گەكتارعا ارتتىرۋ كوزدەلۋدە.
ايتا كەتەيىك، بىلتىر 189,4 مىڭ گەكتارعا اۋىل شارۋاشىلىعى داقىلدارى، 85,6 مىڭ گەكتارعا كۇرىش ەگىلگەن.
