اتالعان ءىستى قما قاراعاندى وبلىسى بويىنشا دەپارتامەنتى تەرگەدى.

«DIAS» شارۋا قوجالىعىنىڭ باسشىلارى جەرگىلىكتى ۆەتەرينارلىق دارىگەرمەن ءسوز بايلاسىپ، سۋبسيديا الۋ ماقساتىندا ءىرى قارا مال، سونداي-اق ءسۇت ونىمدەرىن ءوندىرۋ جانە ساتۋ تۋرالى جالعان قۇجاتتار تاپسىرعان.

الايدا، ءىس جۇزىندە شارۋا قوجالىعىنىڭ قاراماعىندا وندىرىستىك قىزمەت جۇرگىزۋگە جارامسىز شاعىن مال شارۋاشىلىعى بازاسى عانا بولعان.

تيىسىنشە، ءسۇت ونىمدەرىن ءوندىرۋ مەن وڭدەۋ ءىس جۇزىندە جۇزەگە اسىرىلماعان.

كۇدىكتىلەر جىمقىرىلعان سۋبسيديانىڭ ءبىر بولىگىن ەت باعىتىنداعى 60 اسىل تۇقىمدى بۇقا ساتىپ الۋعا جۇمساپ، ناتيجەسىندە 9 ميلليون تەڭگە كولەمىندە سۋبسيديالار تۇرىندە قوسىمشا قىلمىستىق تابىس الىندى.

سوت ۇكىمىمەن ولار قر قك 190-بابى 4-بولىگى 2-تارماعى (الاياقتىق), 218-بابى 2-بولىگى 1-تارماعى (قىلمىستىق جولمەن الىنعان كىرىستى زاڭداستىرۋ) جانە 206-بابى 3-بولىگى 2-تارماعى (اقپاراتتى زاڭسىز جويۋ نەمەسە وزگەرتۋ) بويىنشا كىنالى دەپ تانىلىپ، 5 جىلدان 6 جىلعا دەيىنگى مەرزىمگە باس بوستاندىعىنان ايىرىلدى.

سونداي-اق، سوت اۋىل شارۋاشىلىعى باسقارماسىنىڭ 339 ميلليون تەڭگە سوماسىنداعى ازاماتتىق تالابىن قاناعاتتاندىردى.

ۇكىم زاڭدى كۇشىنە ەنگەن جوق.

ەگەر سىزگە ەكونوميكالىق قۇقىق بۇزۋشىلىق جاساۋ فاكتىلەرى بەلگىلى بولسا، بۇل تۋرالى "افم Insider" تەلەگرام بوتىنا حابارلاۋىڭىزدى سۇرايمىز.

انونيمدىلىككە كەپىلدىك بەرىلەدى.