استانا قالاسى سارىارقا اۋدانىنىڭ پروكۋراتۋراسى پروباتسيالىق باقىلاۋدا تۇرعان ازاماتتارعا ارنالعان ەڭبەك موبيلدىلىگى ورتالىعىنىڭ نەگىزىندە بوس جۇمىس ورىندارى جارمەڭكەسى ۇيىمداستىرىدى. ءىس-شارا سوتتالعان ازاماتتاردى جۇمىسپەن قامتۋعا جاردەمدەسۋ، ولاردى قوعامعا بەيىمدەۋ جانە قايتا قۇقىق بۇزۋشىلىقتاردىڭ الدىن الۋ ماقساتىندا وتكىزىلدى.
جارمەڭكە اياسىندا قالانىڭ ءىرى كاسىپورىندارى مەن ۇيىمدارىنىڭ وكىلدەرى شاقىرىلىپ، ولار وزدەرىنىڭ بوس جۇمىس ورىندارىن جانە ەڭبەككە ورنالاستىرۋ شارتتارىن ۇسىندى. ءىس-شارا قاتىسۋشىلارى جۇمىس بەرۋشىلەرمەن تىكەلەي سۇحباتتاسىپ، جۇمىسقا ورنالاسۋ ماسەلەلەرى بويىنشا كەڭەس الىپ، ۇمىتكەرلەرگە قويىلاتىن تالاپتارمەن تانىسۋ مۇمكىندىگىنە يە بولدى.سونىمەن قاتار، بوس جۇمىس ورىندارى جارمەڭكەنىڭ بارىسىندا تاعى 16 ازاماتقا ودان ءارى جۇمىسقا ورنالاسۋ ءۇشىن جولداما بەرىلدى.
سوتتالعان ازاماتتاردى الەۋمەتتىك بەيىمدەۋ جانە قايتالاما قىلمىستىڭ الدىن الۋ باعىتىنداعى جۇمىستار الداعى ۋاقىتتا دا جالعاستىرىلادى.
استانا قالاسىنىڭ پروكۋراتۋراسى
