وقيعا سايرام اۋدانىنداعى ورتالىق كوشەلەردىڭ بىرىندە بولدى. پاترۋلدىك پوليتسيا پولكىنىڭ 3-روتا ينسپەكتورلارى – پوليتسيا اعا لەيتەنانتتارى بەكسۇلتان وسكەنباي مەن نۇرسۇلتان حامرا – قىزمەتتىك مىندەتتەرىن اتقارۋ بارىسىندا كولىكتىڭ وتقا ورانعانىن بايقاپ، دەرەۋ كومەك كورسەتۋگە اسىقتى.

پوليتسيا قىزمەتكەرلەرى وقيعانىڭ ءمان-جايىن جەدەل باعالاپ، قىزمەتتىك اۆتوكولىكتەگى ءورت سوندىرگىشتى پايدالانا وتىرىپ، العاشقى ءورت ءسوندىرۋ شارالارىن جۇزەگە اسىردى. كەيىن جاقىن ماڭداعى كوگالدى سۋارۋعا ارنالعان شلانگىنى قولدانىپ، جالىندى تولىقتاي اۋىزدىقتادى. ءورت ءسوندىرۋ قىزمەتى كەلگەنشە ءورت تولىقتاي سوندىرىلگەن بولاتىن.

كولىك جۇرگىزۋشىسى پوليتسيا قىزمەتكەرلەرىنىڭ جەدەل ءارى كاسىبي ارەكەتىنە شىن جۇرەكتەن العىسىن ءبىلدىرىپ، ولاردىڭ ارقاسىندا ۇلكەن شىعىننىڭ الدىن العانىن اتاپ ءوتتى. ايتا كەتۋ كەرەك، كولىك قۇرالدارىندا ءورت قاۋىپسىزدىگىن قامتاماسىز ەتۋ ءۇشىن تەز تۇتاناتىن جانە جانعىش سۇيىقتىقتاردى پايدالانۋعا جول بەرىلمەيدى. سونداي-اق اككۋمۋلياتوردى كولىك ىشىندە زاريادتاماۋ، مىندەتتى تۇردە جارامدى ءورت سوندىرگىش قۇرالىن الىپ ءجۇرۋ – قاۋىپسىزدىكتىڭ باستى تالاپتارى سانالادى. پوليتسەيلەر ازاماتتاردىڭ قاۋىپسىزدىگى ءۇشىن تاۋلىك بويى قىزمەت اتقارۋدى جالعاستىرادى.

اقپارات كوزى Polisia.kz