قارجىلىق مونيتورينگ اگەنتتىگىنىڭ شىمكەنت قالاسى بويىنشا دەپارتامەنتى «Bingo-37» جانە «Lotoboom» ونلاين-پلاتفورمالارى ارقىلى زاڭسىز ويىن بيزنەسىن ۇيىمداستىرۋ دەرەگى بويىنشا تەرگەۋدى اياقتادى.

ىقتيمالدى ويىنشىلارعا WhatsApp مەسسەندجەرى ارقىلى قۇمار ويىندارعا قاتىسۋ تۋرالى ۇسىنىستار جىبەرىلگەن. ءوتىنىش بىلدىرگەن ادامدارعا اككاۋنت اشىلىپ، لوگين مەن پارول بەرىلگەن، سونداي-اق اقشا اۋدارۋعا ارنالعان شوت دەرەكتەمەلەرى جولدانعان.

اقشا قابىلداۋ جانە ۇتىستاردى تولەۋ ءۇشىن 14 دروپپەردىڭ اتىنا اشىلعان بانك شوتتارى پايدالانىلعان.

ەكى ونلاين-كازينونىڭ جالپى اينالىمى 3,1 ملرد تەڭگەنى قۇرادى. قىلمىستىق جولمەن الىنعان كىرىسكە ۇيىمداستىرۋشىلار 200 ملن تەڭگەدەن استام سوماعا مۇلىك ساتىپ العان. ونىڭ ىشىندە BYD Destroyer, LiXiang L6 Max, Chevrolet Monza, SsangYong Rexton ماركالى اۆتوكولىكتەر، سونداي-اق ەكى جەر ۋچاسكەسى بار.

سوت ۇكىمىمەن ەكى ادام 4 جىلعا باس بوستاندىعىنان ايىرىلدى. اتالعان مۇلىك مەملەكەت كىرىسىنە تاركىلەندى.

ۇكىم زاڭدى كۇشىنە ەنگەن جوق.

قما ءباسپاسوز قىزمەتى