«استانا دارىنى» ورتالىعى ۇلتتىق كىتاپ كۇنىنە وراي 5-7 سىنىپ وقۋشىلارى اراسىندا II قالالىق «ساۋلەلى كولەڭكە» بايقاۋى ءوتتى.
بۇل كۇن – كىتاپتىڭ ادامزات مادەنيەتىندەگى ەرەكشە ورنىن ايقىندايتىن ماڭىزدى مەرەكە. قانداي تەحنولوگيا دامىسا دا، كىتاپ ويلاۋ مادەنيەتىن قالىپتاستىراتىن، رۋحاني تەرەڭدىككە جەتەلەيتىن باستى قۇندىلىق بولىپ قالا بەرەدى. بۇگىنگى تاڭدا جاستاردىڭ كىتاپقا قايتا بەت بۇرۋى – قوعام ءۇشىن ماڭىزدى ءارى وڭ ءۇردىس. وقۋ مادەنيەتى – تەك داعدى ەمەس، جاساندى ينتەللەكت داۋىرىندە باسەكەگە قابىلەتتى تۇلعانىڭ نەگىزگى شارتى بولىپ وتىر.
«ساۋلەلى كولەڭكە» بايقاۋى وقۋشىلاردىڭ وقۋ ساۋاتتىلىعىن دامىتۋعا، ادەبي شىعارمالاردى تەرەڭ ءتۇسىنىپ، ساحنالىق فورماتتا جەتكىزۋگە باعىتتالعان بىرەگەي الاڭ بولىپ سانالادى. بايقاۋدىڭ ماقساتى – وزگە ۇلت وكىلدەرى اراسىندا مەملەكەتتىك ءتىلدى قولداۋ، لينگۆيستيكالىق جانە كوممۋنيكاتسيالىق داعدىلاردى دامىتۋ، سونداي-اق مادەني ءوزارا تۇسىنىستىكتى نىعايتۋ.
قاتىسۋشىلار قازاق ادەبيەتىنىڭ كورنەكتى وكىلدەرىنىڭ شىعارمالارىن ساحنالىق قويىلىم ارقىلى ۇسىندى.
دارىندى بالالارمەن جۇمىس – ەڭ الدىمەن وقيتىن، ويلايتىن جانە تالدايتىن ۇرپاق قالىپتاستىرۋعا باعىتتالدى. ال كىتاپ – وسى ۇدەرىستىڭ باستى قۇرالى.
