«LUX Maxima» اياققا ارنالعان ماسساج اپپاراتى جونىندەگى وداقتىڭ تەحنيكالىق رەگلامەنتتەرىنىڭ ادام ءومىرى مەن دەنساۋلىعىن، مۇلىكتى قورعاۋدى قامتاماسىز ەتۋ، سونداي-اق تۇتىنۋشىلاردى (پايدالانۋشىلاردى) ونىڭ ماقساتى مەن قاۋىپسىزدىگىنە قاتىستى جاڭىلىستىراتىن ارەكەتتەردىڭ الدىن الۋ تالاپتارىنا سايكەس كەلۋى ءتيىس.

وداقتىڭ تەحنيكالىق رەگلامەنتتەرىنە سايكەس، «LUX Maxima» اياققا ارنالعان ماسساج اپپاراتى ادامنىڭ ءومىرى مەن دەنساۋلىعىن، مۇلكىن قورعاۋدى، سونداي-اق تۇتىنۋشىلاردى (پايدالانۋشىلاردى) ونىڭ ماقساتى مەن قاۋىپسىزدىگىنە قاتىستى جاڭىلىستىراتىن ارەكەتتەردىڭ الدىن الۋدى قامتاماسىز ەتۋى ءتيىس.

جوسپاردان تىس تەكسەرىس جۇرگىزۋ بارىسىندا «LUX Maxima» اياققا ارنالعان ماسساج اپپاراتىندا سايكەستىكتى باعالاۋ تۋرالى قۇجاتتار، سونداي-اق مەملەكەتتىك جانە رەسمي تىلدە تۇتىنۋشىعا ارنالعان اقپاراتتىڭ بولماعانى انىقتالدى، بۇل قازاقستان رەسپۋبليكاسى «تەحنيكالىق رەتتەۋ تۋرالى» زاڭىنىڭ 35-بابىن بۇزۋ بولىپ تابىلادى.

زاڭ تالاپتارىن بۇزعانى ءۇشىن «Lux Kazakhstan Group» جشس قر اقبتك-ءنىڭ 415-بابى بويىنشا اكىمشىلىك جاۋاپكەرشىلىككە تارتىلىپ، 383 370 تەڭگە كولەمىندە اكىمشىلىك ايىپپۇل سالىندى.

ازاماتتاردىڭ ومىرىنە، دەنساۋلىعىنا، مۇلكىنە جانە قورشاعان ورتاعا قاۋىپتى ونىمدەردى وتكىزبەۋ ماقساتىندا، قازاقستان رەسپۋبليكاسى كاسىپكەرلىك كودەكسىنە سايكەس انىقتالعان زاڭ بۇزۋشىلىقتاردى جويۋ تۋرالى ۇيعارىم شىعارىلدى.

سونىمەن قاتار ءونىمدى اينالىسقا شىعارۋعا تىيىم سالۋ تۋرالى جەدەل دەن قويۋ شاراسى قولدانىلدى.

سونداي-اق، جوسپاردان تىس تەكسەرىس جۇرگىزۋ بارىسىندا دەپارتامەنت قىزمەتكەرلەرى كەدەن وداعىنىڭ تەحنيكالىق رەگلامەنتتەرىنىڭ جانە قازاقستان رەسپۋبليكاسى «تەحنيكالىق رەتتەۋ تۋرالى» زاڭىنىڭ تالاپتارىن ساقتاۋ بويىنشا ءتۇسىندىرۋ جۇمىستارىن جۇرگىزدى.

ساۋدا جانە ينتەگراتسيا مينيسترلىگى