بۇگىن وبلىس اكىمى مۇرات ەرگەشباەۆ حالىقارالىق، رەسپۋبليكالىق پاندىك وليمپيادا، عىلىمي جوبا كونكۋرستارىنىڭ جەڭىمپازدارىمەن جانە ولاردىڭ جەتەكشى ۇستازدارىمەن كەزدەستى. كەزدەسۋدە مەملەكەت باسشىسىنىڭ ءبىلىم مەن عىلىمعا ۇمتىلىستىقولداۋىنىڭ ارقاسىندا وڭىردە اۋقىمدى جۇمىس اتقارىلىپ جاتقانىن اتاپ ءوتتى.

«مەملەكەت باسشىسى قاسىم-جومارت كەمەلۇلى: «راسىندا، دارىنعا يە بولۋ، بۇل – باقىت. بىراق جاي عانا ەڭبەكسىز دارىن جەتىستىكتىڭ كەپىلى بولا المايدى. دارىننىڭ كوزىن اشۋ كەرەك جانە ونى تولىعىمەن پايدالانا ءبىلۋ قاجەت. ءار جەڭىس، ءار مەدال تىنىمسىز ىزدەنىسپەن، ماڭداي تەرمەن، ۇزدىكسىز دايىندىقپەن كەلەدى»،– دەگەن بولاتىن.

دانا حالقىمىز «ءبىلىم – تاۋسىلمايتىن كەن» دەپ بەكەر ايتپاعان. قاي زاماندا بولسىن،ەلدىڭ ەڭسەسىن تىكتەپ، بولاشاعىن باياندى ەتەتىن كۇش – ءبىلىمدى ۇرپاق. سىر ءوڭىرىنىڭ عانا ەمەس، كۇللى قازاقستاننىڭ مەرەيىن ۇستەم ەتىپ جۇرگەن وزدەرىڭىزدەي تالاپتى دا تالانتتى جاستارمەن كەزدەسۋدىڭ ءمانى زور»، – دەدى مۇرات نالقوجاۇلى.

بيىل 29 وقۋشى حالىقارالىق وليمپيادالاردىڭ جۇلدەگەرى اتانسا، 143 وقۋشى رەسپۋبليكالىق وليمپيادا، عىلىمي جوبا بايقاۋلارىندا ۇزدىك ناتيجە كورسەتتى. جالپى ءبىلىم بەرەتىن پاندەر بويىنشا رەسپۋبليكالىق وليمپيادا قورىتىندىسىمەن قىزىلوردا وبلىسىنىڭ كومانداسى «ەڭ ۇزدىك وليمپيادالىق كوماندا» نوميناتسياسىن يەلەندى. سونىمەن قاتار، ەكى وقۋشى جوعارى وقۋ ورىندارىنىڭ ءبىلىم گرانتىن جەڭىپ الدى.

سالتاناتتى جيىندا 30 جەتەكشى ۇستاز وبلىس اكىمىنىڭ العىس حاتىمەن ماراپاتتالىپ، شيپاجايعا جولداما الدى. حالىقارالىق جانە رەسپۋبليكالىق ءبىلىم دودالارىندا ۇزدىك ناتيجە كورسەتكەن 36 وقۋشىعا وبلىس اكىمىنىڭ العىس حاتى مەن پلانشەت تابىستالدى.وقۋشىلار مەن ۇستازدار وي-پىكىرلەرىن ورتاعا سالىپ، ۇسىنىستارىن جەتكىزدى.

ايتا كەتەيىك، كەيىنگى جىلدارى مەملەكەت باسشىسىنىڭ، ۇكىمەتتىڭ قولداۋىمەن وڭىردە 200-دەن استام الەۋمەتتىك نىسان پايدالانۋعا بەرىلدى. ونىڭ ىشىندە ءبىلىم بەرۋ سالاسىندا 46 جاڭا نىسان ىسكە قوسىلدى. «كەلەشەك مەكتەپتەرى» ۇلتتىق جوباسى اياسىندا 10 جاڭا مەكتەپ سالىندى. فيزيكا-ماتەماتيكا باعىتىنداعى «ءبىلىم-يننوۆاتسيا» ليتسەي-ينتەرناتى مەن مۋزىكالىق كوللەدجدىڭ جاڭا عيماراتى پايدالانۋعا بەرىلدى.

وقۋشىلار سارايى، «سىر جۇلدىزدارى» اكادەمياسى، جالاعاش، جاڭاقورعان جانە شيەلى اۋداندارىندا «وقۋشىلار ءۇيى» مەن «ونەر مەكتەبى» ىسكە قوسىلدى. جاقىندا جاڭا بالالار تىنىعۋ لاگەرى پايدالانۋعا بەرىلىپ، العاشقى دەمالۋشىلاردى قابىلدادى. بۇگىن پرەزيدەنت ساياباعىنداعى بوتانيكالىق ءبىلىم بەرۋ ورتالىعى ەل يگىلىگىنە تابىستالدى.

@قىزىلوردا وبلىسى اكىمىنىڭ ءباسپاسوز قىزمەتى