وندا مەملەكەت باسشىسىنىڭ جولداۋىنداعى تاپسىرمالاردى ىسكە اسىرۋ، اتاپ ايتقاندا، ەكونوميكانىڭ شيكىزاتتىق مودەلىنەن ءونىمدى تەرەڭ وڭدەۋدى دامىتۋعا كوشۋ، سۋ رەسۋرستارىن ۇتىمدى پايدالانۋ، ەكونوميكا سالالارىن باسقارۋعا تسيفرلىق تەحنولوگيالاردى ەنگىزۋ، وڭىرلىك عىلىمنىڭ ءرولىن كۇشەيتۋ ماسەلەلەرى تالقىلاندى.

وتىرىسقا وبلىس اكىمنىڭ ءبىرىنشى ورىنباسارى دانيار جانالينوۆ، وبلىس اكىمىنىڭ ورىنباسارى ارداق زەبەشوۆ، ۇلتتىق عىلىم اكادەمياسىنىڭ پرەزيدەنتى اقىلبەك كۇرىشباەۆ، ونلاين رەجيمدە عىلىم جانە جوعارى ءبىلىم ءمينيسترى ساياسات نۇربەك، اكادەميانىڭ پرەزيديۋم مۇشەلەرى، جوعارعى وقۋ ورىندارىنىڭ باسشىلارى مەن عالىمدارى، جەتەكشى زەرتتەۋ ينستيتۋتتارى مەن عىلىمي ۇيىمدار باسشىلارى، بيزنەس قاۋىمداستىق وكىلدەرى قاتىستى.

جيىندا «DeepBas» جوباسىنىڭ تانىستىرىلىمى ءوتىپ، سۋ رەسۋرستارىن باسقارۋ، اگروونەركاسىپتىك كەشەندى دامىتۋ، ەكولوگيالىق تۇراقتىلىق، قايتا وڭدەۋ سالاسىن عىلىمي قامتاماسىز ەتۋ جانە تاۋ-كەن ونەركاسىبىندە مينەرالدىق شيكىزاتتى كەشەندى قايتا وڭدەۋ تۋرالى ۇسىنىس-پىكىرلەر ورتاعا سالىندى.

«پرەزيدەنتىمىز عىلىمدى ەل دامۋىنىڭ نەگىزگى قوزعاۋشى كۇشى رەتىندە ايقىنداپ، عىلىمي الەۋەتتى ارتتىرۋدى ستراتەگيالىق باسىمدىق دەپ اتاعان بولاتىن.

2026-2030 جىلدارعا ارنالعان وبلىستىڭ دامۋ جوسپارىنا جالپى وڭىرلىك ونىمدەگى عىلىمي-زەرتتەۋ جۇمىستارى شىعىندارىنىڭ ۇلەسى ارنايى كورسەتكىش رەتىندە ەنگىزىلدى. وبلىس اكىمدىگى جانىنان عىلىمي كەڭەس قۇرىلىپ، كەشەندى جۇمىس جوسپارى بەكىتىلدى.

كەيىنگى ءۇش جىلدا عىلىمدى دامىتۋعا 4 ملرد. تەڭگەگە جۋىق قاراجات باعىتتالدى. بىلتىردىڭ وزىندە 1 ملرد.300 ملن. تەڭگە ءبولىنىپ، 2020 جىلمەن سالىستىرعاندا بەس ەسە ارتتى، 400-دەن اسا مامان كاسىپورىنداردا عىلىمي-زەرتتەۋمەن، تاجىريبەلىك جۇمىستارمەن اينالىسادى. ى.جاقاەۆ اتىنداعى قازاق كۇرىش شارۋاشىلىعى عىلىمي-زەرتتەۋ ينستيتۋتى 7 عىلىمي جوبانى جۇزەگە اسىرۋدا.

بۇگىنگى جيىندا ايتىلاتىن ۇسىنىستار مەن كوتەرىلەتىن باستامالار ايماعىمىزدىڭ الەۋمەتتىك-ەكونوميكالىق دامۋىنا سەرپىن بەرەدى دەپ سەنەمىن. ۇلتتىق عىلىم اكادەمياسى پرەزيديۋمى كوشپەلى وتىرىسىنىڭ جۇمىسىنا ساتتىلىك تىلەيمىن!»، – دەدى دانيار ەرەنعاليۇلى.

باسقوسۋدا عىلىمي-زەرتتەۋ ينستيتۋتتارىنىڭ، عىلىمي-وندىرىستىك ورتالىقتاردىڭ، جوعارى وقۋ ورىندارىنىڭ باسشىلارى ءسوز سويلەدى. قىزىلوردا وبلىسىندا سۋ رەسۋرستارىن باسقارۋ، ەكولوگيا، قايتا وڭدەۋ جانە تاماق ونەركاسىبىن پەرسپەكتيۆالى ءارى ءتيىمدى دامىتۋعا باعىتتالعان قارار مەن بىرلەسكەن جۇمىس جوسپارىن ازىرلەۋ تۋرالى شەشىم قابىلداندى.

ايتا كەتۋ كەرەك، كوشپەلى وتىرىس اياسىندا كەشە فورسايت-سەسسيا ءوتىپ، اكادەميا ماماندارى جەرگىلىكتى كاسىپورىن وكىلدەرىنە تەحنولوگيالىق ولقىلىقتاردى انىقتاۋ ادىستەرىن ۇيرەتتى. ال بۇگىن وبلىس كاسىپورىندارىندا كەڭىنەن ەنگىزۋگە دايىن يننوۆاتسيالىق ازىرلەمەلەر كورمەسى ۇيىمداستىرىلدى.

قىزىلوردا وبلىسى اكىمىنىڭ ءباسپاسوز قىزمەتى