قىزىلوردا قالاسىنداعى №295 مەكتەپتە «تازا قازاقستان» رەسپۋبليكالىق ەكولوگيالىق باعدارلاماسى اياسىندا وسكەلەڭ ۇرپاقتىڭ ەكولوگيالىق مادەنيەتىن قالىپتاستىرۋعا باعىتتالعان اشىق ساباقتار مەن تاربيە ساعاتى ۇيىمداستىرىلدى.

ءىس-شارانىڭ نەگىزگى ماقساتى – وقۋشىلارعا قورشاعان ورتانى قورعاۋدىڭ ماڭىزىن ءتۇسىندىرۋ، تابيعاتقا جاناشىرلىقپەن قاراۋ جانە ەكولوگيالىق جاۋاپكەرشىلىكتى ارتتىرۋ.

9-سىنىپ وقۋشىلارى ءۇشىن «تازا قازاقستان: ەكولوگيالىق جاۋاپكەرشىلىك جانە بولاشاق» تاقىرىبىندا اشىق ساباق ءوتتى. ساباق بارىسىندا تابيعي رەسۋرستاردى ءتيىمدى پايدالانۋ، قورشاعان ورتانى قورعاۋ جانە ەكولوگيالىق جاۋاپكەرشىلىكتىڭ قوعام مەن بولاشاق ءۇشىن ماڭىزى تالقىلاندى.

بۇدان بولەك، 3-سىنىپ وقۋشىلارىنا «تازا قازاقستان – زاماناۋي تەحنولوگيالار تابيعاتتى قورعاۋدا» تاقىرىبىندا تاربيە ساعاتى وتكىزىلدى. وقۋشىلار تابيعاتتى قورعاۋدا زاماناۋي تەحنولوگيالاردىڭ رولىمەن تانىسىپ، قورشاعان ورتانى ساقتاۋعا باعىتتالعان قاراپايىم ءارى ءتيىمدى ارەكەتتەر تۋرالى وي ءبولىستى.

تانىمدىق شارادا وقۋشىلار گۇل كوشەتتەرىن وتىرعىزىپ، العان بىلىمدەرىن ءىس جۇزىندە بەكىتتى.

مۇنداي جۇمىستار جاس ۇرپاقتىڭ تابيعاتقا جاۋاپكەرشىلىكپەن قاراۋىن قالىپتاستىرىپ، ەكولوگيالىق مادەنيەتتى كۇندەلىكتى ءومىر سالتىنا اينالدىرۋعا باعىتتالعان.

#تازاقازاقستان

#تۇراقتىدامۋ

#ەكولوگيا

#TazaChallenge

#TazaQazaqstan