بۇگىن قىزىلورداداعى مەملەكەتتىك رامىزدەر اللەياسىندا وبلىس اكىمى مۇرات ەرگەشباەۆتىڭ قاتىسۋىمەن 4 ماۋسىم – قر مەملەكەتتىك رامىزدەرى كۇنىنە ارنالعان «رامىزدەر رۋحى – كونستيتۋتسيانىڭ كۇشى» اتتى جالپىۇلتتىق پاتريوتتىق اكتسيا ءوتتى.
وعان وبلىستىق ءماسليحات توراعاسى، وبلىس اكىمىنىڭ ورىنباسارلارى، قۇقىق قورعاۋ ورگاندارىنىڭ باسشىلارى، وبلىستىق قوعامدىق كەڭەس توراعاسى، زيالى قاۋىم، ساياسي پارتيالار، ەتنومادەني بىرلەستىكتەر، ۇكىمەتتىك ەمەس ۇيىمدار، جاستار ۇيىمدارىنىڭ وكىلدەرى قاتىستى.
اكتسيا «مەملەكەتتىك رامىزدەر – تاۋەلسىزدىك سيمۆولى» اتتى تاقىرىپتىق پرولوگپەن اشىلدى.
ايماق باسشىسى جينالعان قاۋىمدى مەملەكەتتىك رامىزدەر كۇنىمەن قۇتتىقتاپ، ەل تاۋەلسىزدىگىنىڭ باستى نىشاندارىنىڭ تاريحي ءمانى مەن ماڭىزىنا توقتالدى.
«مەملەكەت باسشىسى: «ۇلت رامىزدەرى – تاۋەلسىزدىگىمىزدىڭ كيەلى بويتۇمارى. ەلتاڭبا، تۋ جانە ءانۇران – مىزعىماس مەملەكەتتىگىمىزدىڭ بەلگىسى. قاستەرلى نىشاندارىمىز قازاقستاننىڭ ەگەمەن ەل، ەڭسەلى جۇرت ەكەنىن جەر جۇزىنە ايگىلەيدى. بايراعى بيىك ەلدىڭ رۋحى اسقاق بولادى»، – دەپ اتاپ ءوتتى.
ءبىزدىڭ مەملەكەتتىك نىشاندارىمىز قازاقستاندى كۇللى الەمگە بەيبىتشىلىك پەن تاتۋلىقتىڭ سيمۆولى رەتىندە دارىپتەۋدە. كوك تۋىمىز حالىقارالىق ارەنالاردا، الەمدەگى الپاۋىت ۇيىمداردىڭ تورىندە تاۋەلسىز قازاقستاننىڭ اتىن تانىتتى. ايبىنىمىزدى اسىرعان مەملەكەتتىك رامىزدەردى قۇرمەتتەپ ۇلىقتاۋ، كەلەر ۇرپاققا امانات ەتۋ – ءبىزدىڭ ازاماتتىق پارىزىمىز.
بارشاڭىزدى قازاقستان رەسپۋبليكاسىنىڭ مەملەكەتتىك رامىزدەرى كۇنىمەن شىن جۇرەكتەن قۇتتىقتايمىن! تاۋەلسىزدىگىمىزدىڭ تۇمارىنا اينالعان مەملەكەتتىك نىشاندارىمىز بولاشاققا باستاعان ۇلى كوشىمىزدى دەمەپ، يگى ىستەرىمىزدىڭ ۇيىتقىسى بولا بەرسىن! بىرلىگىمىز جاراسىپ، جارقىن بولاشاققا باسقان ءار قادامىمىز نىق، ەل ىرگەسى بەرىك بولسىن!»، – دەدى مۇرات نالقوجاۇلى.
شارادا حوردىڭ سۇيەمەلدەۋىمەن مەملەكەتتىك ءانۇران شىرقالىپ، جەرگىلىكتى ونەرپازدار پاتريوتتىق اندەر ورىندادى.
رامىزدەر كۇنىنە ارنالعان اكتسيا يپپودرومدا اتتى شەرۋمەن جالعاستى. سونداي-اق توتەنشە جاعدايلار قىزمەتكەرلەرى سىرداريا وزەنىندە مەملەكەتتىك تۋدى قايىقپەن الىپ ءجۇرىپ، مەرەكە مازمۇنىن ايشىقتاي ءتۇستى.
قىزىلوردا وبلىسى اكىمىنىڭ ءباسپاسوز قىزمەتى
