الاڭدا قولونەر بۇيىمدارىنىڭ، جاس سۋرەتشىلەر تۋىندىلارىنىڭ كورمەسى اشىلدى. "قۇستار فەستيۆالى" دە مەرەكەنىڭ ءسانىن كەلتىرىپ، جۇرتشىلىققا ەرەكشە كوڭىل-كۇي سىيلادى.

وبلىس اكىمى نۇرلىبەك نالىباەۆ ايماق تۇرعىندارىن بەيبىتشىلىكتىڭ، كەلىسىمنىڭ مەرەيلى مەيرامىمەن قۇتتىقتادى.

" ءبىر مۇددە، ءبىر ماقسات جولىندا ۇيىسىپ، ىنتىماعى جاراسقان ەلدىڭ بىرلىگىن ساقتاۋ - بارشامىزدىڭ ازاماتتىق پارىزىمىز. پرەزيدەنتىمىز قاسىم - جومارت كەمەلۇلى «ەگەمەندىگىمىزدىڭ ماڭگىلىك ۇشتاعانى – بايتاق جەرىمىزدى، قاستەرلى ءتىلىمىزدى جانە بەرەكە-بىرلىگىمىزدى كوزدىڭ قاراشىعىنداي ساقتاۋىمىز كەرەك" - دەگەن بولاتىن. ەلىمىزدەگى ەتنوسارالىق دوستىق پەن بىرلىكتىڭ ۇلگىسىن الەمگە تانىتقان، جالپىۇلتتىق تۇراقتىلىق پەن قوعامدىق كەلىسىمنىڭ قاينار بۇلاعى بولعان قازاقستان حالقى اسسامبلەياسىنىڭ 30 جىلدىق مەرەيلى مەرەكەسىمەن بارشاڭىزدى قۇتتىقتايمىن!" - دەدى ايماق باسشىسى.

نۇرلىبەك ماشبەكۇلى جاقىندا عانا مەملەكەت باسشىسىنىڭ توراعالىعىمەن وتكەن قازاقستان حالقى اسسامبلەياسىنىڭ سەسسياسىندا تالقىلانعان ماسەلەلەرگە، بولاشاققا باعىتتالعان تىڭ باستامالارعا توقتالدى. 

پرەزيدەنتىمىزدىڭ، ۇكىمەتتىڭ ەرەكشە قولداۋىمەن، جەرلەستەرىمىزدىڭ بەرەكەلى بىرلىگىنىڭ ارقاسىندا سىر وڭىرىندە جۇزەگە اسقان جاڭاشىلدىقتاردى اتاپ ءوتتى.

وڭىرىمىزدەگى 30-دان استام ەتنوس وكىلدەرىنىڭ ەكونوميكا، مادەنيەت، سپورت، ءبىلىم، عىلىم سالالارىنىڭ دامۋىنا، ەلىمىزدىڭ وركەندەۋىنە قوسقان ۇلەسىن جوعارى باعالادى.

"بارلىق اۋداندا ىشىندە نەكە قيۋ زالى، كىتاپحانا، مۋزەي، ارحيۆ، جاستار، ارداگەرلەر مەن انالار ءۇيى بار، قۇنى 11 ملرد 500 ملن تەڭگە بولاتىن «رۋحانيات ورتالىقتارى" سالىنىپ، ەلدىڭ ىنتىماعىن نىعايتۋعا باعىتتالعان ماڭىزدى جوبالار قولعا الىندى. ورتالىقتارداعى  «قوعامدىق كەلىسىم» كابينەتتەرى ەتنوس وكىلدەرىنىڭ مادەني-رۋحاني بىرەگەيلىگىن ساقتاۋعا مۇمكىندىك بەرەدى.

مەملەكەت باسشىسى قازاقستان حالقى اسسامبلەياسىنىڭ XXXIV سەسسياسىندا سويلەگەن سوزىندە:     "بىلتىر ەلىمىزدىڭ رۋحاني جانە تاريحي-مادەني ورداسى – تۇركىستاندا جاڭا 'دوستىق ءۇيى" اشىلدى. "دوستىق ۇيلەرى" تاعى بىرنەشە قالا مەن اۋدان ورتالىعىندا اشىلادى دەپ جوسپارلانۋدا. مەن بۇل باستامانى قولدايمىن. ءبىز قوعامدىق كەلىسىم ينفراقۇرىلىمىن بىرتىندەپ كەڭەيتە بەرۋىمىز كەرەك"- دەگەن بولاتىن.

بيىلعى اسسامبلەيانىڭ 30 جىلدىعى اياسىندا بارشامىز ءۇشىن قۋانىشتى جاڭالىق - قىزىلوردا قالاسىندا "قازاتومونەركاسىپ" ۇلتتىق كومپانياسىنىڭ دەمەۋشىلىگىمەن، قۇنى 3 ملرد. 800 ملن. تەڭگەنى قۇرايتىن جاڭا «دوستىق ءۇيى» سالىنادى.

وسى شارادان كەيىن وزدەرىڭىزبەن بىرگە بارىپ، جاڭا عيماراتتىڭ ىرگەتاسىن قالايمىز، -دەدى ايماق باسشىسى.

مەرەكەدە ەتنومادەني بىرلەستىكتەر مۇشەلەرى قازاقستان حالقى اسسامبلەياسىنىڭ 30 جىلدىعىنا ارنالعان مەدالمەن ماراپاتتالدى. 

كونتسەرتتە سىر ەلىندەگى بارلىق ەتنوس وكىلدەرى ونەر كورسەتتى، كوپشىلىككە ءان-جىردان شاشۋ شاشتى. اسىرەسە، پاتريوتتىق اندەر بىرلىك پەن تاتۋلىق ۇعىمىن ۇلىقتاپ، ءمان-ماعىناسىن ايشىقتاي ءتۇستى.

@قىزىلوردا وبلىسى اكىمىنىڭ ءباسپاسوز قىزمەتى