قىزىلوردا قالاسىندا قوعامدىق ديالوگتى اقپاراتتىق سۇيەمەلدەۋ جانە جۋرناليستيكاداعى زاماناۋي تاسىلدەر ماسەلەلەرىنە ارنالعان جۋرناليستەر كلۋبىنىڭ كەڭەيتىلگەن وتىرىسى ءوتتى.
ءىس-شاراعا جۋرناليستەر كلۋبىنىڭ مۇشەلەرى، ەتنوستىق بۇقارالىق اقپارات قۇرالدارىنىڭ وكىلدەرى، وڭىرلىك «قوعامدىق كەلىسىم» مەكەمەلەرىنىڭ ءباسپاسوز قىزمەتكەرلەرى، جۋرناليستەر، مەديا-ساراپشىلار، مەديامەنەدجەرلەر جانە بلوگەرلەر قاتىستى.
وتىرىس بارىسىندا قاتىسۋشىلار قازىرگى جۋرناليستيكانىڭ وزەكتى ماسەلەلەرىن، قوعاممەن اشىق ءارى سىندارلى ديالوگ قالىپتاستىرۋداعى مەديانىڭ ءرولىن، سونداي-اق قوعامدىق ماڭىزى بار ۇدەرىستەردى اقپاراتتىق سۇيەمەلدەۋدىڭ زاماناۋي تاسىلدەرىن تالقىلادى.
ءىس-شارادا جۋرناليستەر كلۋبىنىڭ توراعاسى، قوعام قايراتكەرى الىشەر ساتۆالديەۆ، قىزىلوردا وبلىسىنىڭ قوعامدىق دامۋ باسقارماسىنىڭ باسشىسى رۋسلان كايۋپوۆ جانە «قوعامدىق كەلىسىم» رمم ديرەكتورىنىڭ ورىنباسارى اسەل ارتاكشينوۆا ءسوز سويلەدى.
وتىرىستىڭ پراكتيكالىق ءبولىمى جۋرناليستىك جانە اقپاراتتىق جۇمىستىڭ زاماناۋي قۇرالدارىنا ارنالدى. جۋرناليستەر كلۋبىنىڭ توراعاسى الىشەر ساتۆالديەۆ قوعامدىق-ساياسي ۇدەرىستەردى اقپاراتتىق سۇيەمەلدەۋ ماسەلەلەرى بويىنشا ترەنينگ وتكىزدى. وبلىستىق جۋرناليستەر جانە ساراپشىلار كلۋبىنىڭ ءتورايىمى، PR-مەنەدجەر ەلەنا رىبينا «مەديا، PR جانە قوعام: اشىق ديالوگ مادەنيەتى» تاقىرىبىندا ءسوز سويلەدى.
قر ەنەرگەتيكا مينيسترلىگىنىڭ رەسمي وكىلى، PR جانە كوممۋنيكاتسيالار سالاسىنىڭ مامانى اسەل سەرىكپاەۆا ءباسپاسوز قىزمەتتەرىنىڭ جۇمىسىنا قاتىستى زاماناۋي تاسىلدەر تۋرالى ايتىپ بەردى.
باعدارلامانىڭ ەكىنشى بولىگىندە «قوعامدىق كەلىسىم» رمم ساراپشىلارى، جۋرناليستەر كلۋبىنىڭ مۇشەلەرى دۋمان مۇحامەتقاليەۆ پەن اقنۇر سامبەت وڭىرلىك ءباسپاسوز قىزمەتتەرىنىڭ اقپاراتتىق جۇمىسىنا ساراپتاما جۇرگىزدى.
مەدياترەنەر، Halyqline.kz اقپارات اگەنتتىگىنىڭ ءجۋرناليسى ءارى رەداكتورى، قازاقستان جۋرناليستەر وداعىنىڭ مۇشەسى ەرداۋلەت كاليەۆ «شەشىمدەر جۋرناليستيكاسى. وڭىرلىك مەديادان قوعامدىق ماڭىزى بار ماتەريالعا دەيىن» تاقىرىبىن تانىستىرىپ، مازمۇندى ءارى اۋديتوريا سۇرانىسىنا يە كونتەنت جاساۋدىڭ زاماناۋي تاسىلدەرىنە توقتالدى.
سونىمەن قاتار قاتىسۋشىلار جۋرناليستەر كلۋبىن ودان ءارى دامىتۋ، ونىڭ تاجىريبە الماسۋعا ارنالعان كاسىبي الاڭ رەتىندەگى ءرولىن ارتتىرۋ، سونداي-اق جۋرناليستەر، ءباسپاسوز قىزمەتتەرى مەن مەديا-ساراپشىلار اراسىنداعى ءوزارا ءىس-قيمىلدى جەتىلدىرۋ ماسەلەلەرىن تالقىلادى.
كەزدەسۋ اشىق پىكىرتالاس جانە سۇراق-جاۋاپ سەسسياسىمەن قورىتىندىلاندى. قاتىسۋشىلار پراكتيكالىق تاجىريبەلەرىمەن ءبولىسىپ، اقپاراتتىق جۇمىستىڭ وزەكتى ماسەلەلەرىن تالقىلادى جانە ودان ءارى كاسىبي ءوزارا ءىس-قيمىل باعىتتارىن ايقىندادى.
جۋرناليستەر كلۋبىنىڭ كەڭەيتىلگەن وتىرىسى كاسىبي ديالوگ ورناتۋعا، تاجىريبە الماسۋعا جانە قارقىندى وزگەرىپ وتىرعان اقپاراتتىق ورتاداعى جۇمىستىڭ زاماناۋي قۇرالدارىن تالقىلاۋعا ارنالعان ماڭىزدى الاڭعا اينالدى.
