اتالمىش وقۋ-جاتتىعۋدىڭ تاقىرىبى: «2026 جىلعى كوكتەمگى سۋ تاسقىنى كەزەڭىنە توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك كىشى جۇيەسىنىڭ باسقارۋ ورگاندارىن، كۇش-قۇرالدارىن دايىنداۋ».
ماقسات - كوكتەمدەگى توتەنشە جاعدايدى جويۋعا ازاماتتىق قورعاۋ قىزمەتتەرىنىڭ، قۇرىلىمدارىنىڭ ازىرلىگىن تەكسەرۋ.
25 اقپاندا قىزىلوردا وبلىسى تجد داعدارىس ورتالىعىندا قىزىلوردا وبلىسى اكىمىنىڭ ءبىرىنشى ورىنباسارى دانيار جانالينوۆتىڭ توراعالىعىمەن جيىن وتكىزىلدى. وعان وڭىردەگى ازاماتتىق قورعاۋ قىزمەتتەرىنىڭ وكىلدەرى قاتىسىپ، وقۋ-جاتتىعۋعا دايىندىقتارى تۋرالى ەسەپ بەردى.
26 اقپاندا قىزىلوردا قالاسىنداعى «سول جاعالاۋ» شاعىن اۋدانىنداعى «Qaysar Arena» جانىندا كۇش-قۇرالداردى ساپتىق قاراۋ كەزەڭى وتكىزىلدى. وعان تجد، وبلىستىق دەنساۋلىق ساقتاۋ باسقارماسى، وبلىستىق ۆەتەريناريا باسقارماسى، №5547 اسكەري ءبولىمى، قالالىق پوليتسيا باسقارماسى، «قازاقتەلەكوم» اق فيليالى، قۇرىلىس ءبولىمى، جولاۋشىلار كولىگى جانە اۆتوموبيل جولدارى ءبولىمى، اۋىل شارۋاشىلىعى جانە جەر قاتىناستارى ءبولىمى، قوعامدىق دامۋ ءبولىمى، ءبىلىم ءبولىمى، كاسىپكەرلىك جانە ونەركاسىپ ءبولىمى، ەلەكتر تاراتۋ تورابى كومپانياسى قاتىستى. اتالمىش مەكەنجايداعى ساپتىق قاراۋعا بارلىعى 210 ادام، 60 تەحنيكا قاتىستى.
ودان سوڭ تالسۋات ەلدى مەكەنىندە وقۋ-جاتتىعۋدىڭ پراكتيكالىق كەزەڭى ۇيىمداستىرىلدى. پراكتيكالىق كەزەڭنىڭ باستى باعىتى - قورعانىس بوگەتتەرىن نىعايتۋ، تۇرعىنداردى ەۆاكۋاتسيالاۋ، قابىلداۋ-جيناقتاۋ پۋنكتتەرىن تەكسەرۋ. اۋدانداردا دا اتالمىش پراكتيكالىق كەزەڭ وتكىزىلدى.
وقۋ-جاتتىعۋدىڭ شارتى بويىنشا: تجد جەدەل كەزەكشىسىنە - «112» تەلەفونىنا ەلدى مەكەننىڭ تۇرعىنىنان تالسۋات ەلدى مەكەنىندە سىرداريا وزەنىنىڭ وڭ جاعا قورعانىس بوگەتىنەن سۋ اسىپ، ەلدى مەكەنگە قاراي تاسىپ جاتقانى، 25 ءۇيدى سۋ باسقاندىعى تۋرالى حابارلاما كەلدى.
ناتيجەسىندە تالسۋات ەلدى مەكەنىنەن 115 تۇرعىن قاۋىپسىز ايماققا كوشىرىلدى. ولار ەۆاكۋاتسيالىق جيناقتاۋ-قابىلداۋ پۋنكتتەرىنە جەتكىزىلىپ، ولارعا ءتيىستى كومەكتەر كورسەتىلدى. جالپى وقۋ-جاتتىعۋ بارىسىندا ازاماتتىق قورعاۋ قىزمەتتەرى وزدەرىنە جۇكتەلەن مىندەتتەردى ناتيجەلى اتقاردى.
وقۋ-جاتتىعۋدىڭ پراكتيكالىق كەزەڭىنە بارلىعى 126 ادام، 32 تەحنيكا جۇمىلدىرىلدى.
قىزىلوردا وبلىسى تجد
