"حارۆەست اگرو"  كومپانياسىنىڭ تەحنيكالىق قاراسورا، جۇگەرى جانە سويا ءوسىرۋ، ولاردى قايتا وڭدەۋگە باعىتتالعان اگروونەركاسىپتىك كلاستەر جوباسىنىڭ قازىرگى جاي-كۇيىمەن تانىستى. 

جوباعا قاراكەتكەن اۋىلدىق وكرۋگىنەن 22,5 مىڭ گەكتار جەر ۋچاسكەسى بولىنگەن. ونىڭ 5 مىڭ گەكتارىنا جۇگەرى، 2 مىڭ گەكتارىنا ماقسارى ەگىلگەن، 142 جاڭبىرلاتىپ سۋارۋ قوندىرعىسى جۇمىس ىستەيدى. كاسىپورىن پايدالانۋعا بەرىلگەننەن كەيىن جىلىنا 60 مىڭ تونناعا دەيىن تەحنيكالىق قاراسورا، 70 مىڭ توننا جۇگەرى جانە 20 مىڭ توننا سويا وڭدەۋ جوسپارلانىپ وتىر.  وندىرىلگەن ءونىم ىشكى نارىقتىڭ سۇرانىسىن قامتاماسىز ەتۋمەن قاتار، شەت ەلدەرگە دە ەكسپورتتالادى.

قازىرگى تاڭدا 26,3 ملرد تەڭگە ينۆەستيتسيا تارتىلىپ، 100 تۇراقتى جۇمىس ورنى قۇرىلعان. ەگىسكە جانە وندىرىستىك جۇمىستارعا 50 تەحنيكا جۇمىلدىرىلدى.

جەر كولەمىن، سۋ پايدالانۋ ءليميتىن ۇلعايتۋ، جاڭبىرلاتىپ سۋارۋ جۇيەسىن ەنگىزۋ، ەلەكتر جەلىسىن تارتۋ جانە جوبا-سمەتالىق قۇجاتتاردى ازىرلەۋ قولعا الىنعان.

ايتا كەتەيىك، بيىل وڭىردە جالپى 185,8 مىڭ گەكتارعا ەگىن، ونىڭ ىشىندە ءداندى داقىلدار 89,7 مىڭ گەكتارعا، مايلى داقىلدار 6,1 مىڭ گەكتارعا، مال ازىقتىق داقىلدار 73,2 مىڭ گەكتارعا، كارتوپ، كوكونىس جانە باقشا داقىلدارى 16,8 مىڭ گەكتارعا ەگىلدى. 

مەملەكەت باسشىسىنىڭ تاپسىرماسىنا سايكەس وتكەن جىلمەن سالىستىرعاندا كۇرىش كولەمى 10,9 مىڭ گەكتارعا قىسقارتىلدى. بيىل 70 مىڭ گەكتارعا كۇرىش ەگىلىپ، سۋعا باستىرىلدى.

ونىڭ 31,3 مىڭ گەكتارى ۇستەپ قورەكتەندىرىلىپ، 53,3 مىڭ گەكتارى ارامشوپتەرگە قارسى وڭدەلدى. قازىر 19,8 مىڭ گەكتارى تۇپتەنۋ، 46,2 مىڭ گەكتارى تۇتىككە شىعۋ، ال 4 مىڭ گەكتارى ماساقتانۋ كەزەڭىنە ءوتتى.

قىزىلوردا وبلىسى اكىمىنىڭ ءباسپاسوز قىزمەتى