وبلىس اكىمى نۇرلىبەك نالىباەۆ العىس ايتۋ كۇنىنە وراي “دوستىق ۇيىندە” تۇرعىنداردىڭ قالىپتى تۇرمىس-تىرشىلىگىن قامتاماسىز ەتەتىن سالالاردىڭ قىزمەتكەرلەرىمەن كەزدەستى.
وعان پارلامەنت سەناتىنىڭ دەپۋتاتى رۋسلان رۇستەموۆ، قۇقىق قورعاۋ ورگاندارىنىڭ ءبىرىنشى باسشىلارى، زيالى قاۋىم وكىلدەرى قاتىستى.
ايماق باسشىسى جينالعان جۇرتشىلىققا قۇتتىقتاۋىن جەتكىزىپ، ەڭبەك ادامدارىنىڭ مارتەبەسى قاشاندا بيىك ەكەنىن ايتتى.
“جارقىن كوكتەممەن جاراسىم تاپقان بۇل مەرەكە ادامدار اراسىنداعى سىيلاستىق پەن تىلەكتەستىكتى، ريزاشىلىق پەن شىنايى قۇرمەتتى ارتتىرادى. ايتۋلى كۇن قارساڭىندا تۇرعىنداردىڭ قالىپتى تۇرمىس-تىرشىلىگىن قامتاماسىز ەتەتىن سالالاردا كۇننىڭ ىستىق-سۋىعىنا قاراماي، ۋاقىتپەن ساناسپاي ەڭبەك ەتەتىن قىزمەتكەرلەرگە قۇرمەت كورسەتۋ ءۇشىن باس قوستىق. سونداي-اق قاسيەتتى وتانىمىزدى قورعاۋدا ءپاتريوتيزمنىڭ ناعىز ۇلگىسىن كورسەتىپ، وزىنە جۇكتەلگەن مىندەتتى مۇلتىكسىز ورىندايتىن ايبىندى اسكەري قىزمەتشىلەرىمىزگە، قۇقىق قورعاۋ سالاسى قىزمەتكەرلەرىنە، سىن ساعاتتا قايسارلىق تانىتىپ، وزگەنىڭ ءومىرىن ساقتاۋ ءۇشىن ءوز باسىن قاتەرگە تىگەتىن ءورت سوندىرۋشىلەر مەن قۇتقارۋشىلارىمىزعا، شۇعىل مەديتسينالىق كومەك كورسەتەتىن جەدەل جاردەم قىزمەتكەرلەرى مەن جول سالاسى ماماندارىنا، ەل يگىلىگى جولىندا ەڭبەك ەتىپ جۇرگەن ەرىكتىلەرىمىزگە بارشا سىر جۇرتشىلىعىنىڭ اتىنان زور ريزاشىلىعىمدى، شىنايى العىسىمدى بىلدىرەمىن!
سىزدەردىڭ ادال ەڭبەكتەرىڭىز بارلىق قۇرمەتكە لايىق.
پرەزيدەنتىمىزدىڭ جارلىعىمەن جاڭا كونستيتۋتسياعا ارنالعان رەسپۋبليكالىق رەفەرەندۋمدى 2026 جىلعى 15 ناۋرىزدا وتكىزۋ تۋرالى شەشىم قابىلداندى.
بۇل – ەلىمىزدىڭ جارقىن كەلەشەگى ءۇشىن ءوز تاڭداۋىمىزدى جاساپ، قاستەرلى وتانىمىزدىڭ بەرىك نەگىزىن قالاۋعا بەرىلگەن تاريحي مۇمكىندىك.
كونستيتۋتسيا جوباسىندا ۇلى دالانىڭ مىڭجىلدىق تاريحىنىڭ ساباقتاستىعى ساقتالىپ، مەملەكەتتىڭ ۋنيتارلى سيپاتى مەن شەكاراسىنا، اۋماقتىق تۇتاستىعىنا قول سۇعۋعا بولمايتىنى ناقتىلانعان.
ەلدىگىمىزدىڭ باستى نىشانى سانالاتىن جاڭا قۇجاتتا «ادام مەملەكەت ءۇشىن ەمەس، مەملەكەت ادام ءۇشىن» قاعيداتى ايقىندالعان.
ۇلتىمىزدىڭ تاريحىنا التىن ارىپپەن جازىلاتىن ساياسي ماڭىزدى كەزەڭدە سىر جۇرتشىلىعى جاڭا كونستيتۋتسيا جوباسىن قولدايدى دەپ سەنەمىز.
بارشاڭىزدى وسى ىسكە جوعارى جاۋاپكەرشىلىكپەن بەلسەندى اتسالىسۋعا شاقىرامىن!
تاۋەلسىز ەلىمىزدىڭ جارقىن بولاشاعى جولىنداعى ەڭبەكتەرىڭىز جەمىستى ءارى تابىستى بولسىن!”،- دەدى ن.نالىباەۆ.
جيىندا رۋسلان رۇستەموۆ ءسوز سويلەپ، بىرقاتار سالا ماماندارى وبلىس اكىمىنىڭ العىس حاتىمەن ماراپاتتالدى.
قىزىلوردا وبلىسى اكىمىنىڭ ءباسپاسوز قىزمەتى
