بۇگىن وبلىس اكىمى مۇرات ەرگەشباەۆ، وبلىس پروكۋرورى ريزابەك وجاروۆ، زيالى قاۋىم وكىلدەرى مەن ەل اعالارى ارال قالاسىنداعى جوعارى سۇرىپتى اس تۇزىن ءوندىرۋ زاۋىتىنىڭ اشىلۋ راسىمىنە قاتىستى.

ايماق باسشىسى تۇرعىنداردى قۇتتىقتاپ، ءوندىرىس ورنىنىڭ جۇمىسىنا ساتتىلىك تىلەدى. 

«بارشاڭىزدى جوعارى سۇرىپتى اس تۇزىن ءوندىرۋ زاۋىتىنىڭ رەسمي اشىلۋىمەن قۇتتىقتايمىن! سونداي-اق ماڭىزدى جوبانى ارال اۋدانىندا جۇزەگە اسىرعانى ءۇشىن جەكە ينۆەستورعا زور ريزاشىلىعىمدى بىلدىرەمىن. بۇل - ەلىمىزدىڭ ەكسپورتتىق الەۋەتىن ارتتىراتىن، جاڭا جۇمىس ورىندارى اشىلاتىن ماڭىزدى جوبا.  

ءوندىرىس ورىندارى ەكونوميكانى ارتاراپتاندىرۋعا، تۇرعىندارىمىزدىڭ ءومىر ءسۇرۋ ساپاسىن ارتتىرۋعا تىڭ سەرپىن بەرەدى دەپ سەنەمىن»، - دەدى مۇرات نالقوجاۇلى. 

«توعىس - ارالوتىن» سەرىكتەستىگى جوعارى سۇرىپتى اس تۇزىن ءوندىرۋ زاۋىتىنا 1,8 ملرد. تەڭگە قارجى سالعان، جىلدىق قۋاتتىلىعى 40 مىڭ توننا. مۇندا 20 ادام جۇمىسپەن قامتىلادى. مەملەكەتتىك قولداۋ اياسىندا 4 گەكتار جەر تەلىمى بەرىلىپ، قاجەتتى ينفراقۇرىلىم تارتىلدى. زاۋىت ونىمدەرى ىشكى نارىقتى قامتاماسىز ەتۋمەن قاتار، كورشىلەس مەملەكەتتەرگە دە ەكسپورتتالادى.

شارادا وبلىس پروكۋرورى ريزابەك وجاروۆ، ەل اعالارى يمامادين وڭعارباەۆ، نۇرالى وسپانوۆ ءسوز سويلەپ، اۋداننىڭ الەۋمەتتىك-ەكونوميكالىق دامۋىنا، زاۋىتتىڭ ىسكە قوسىلۋىنا اتسالىسقان ازاماتتارعا وبلىس اكىمىنىڭ العىس حاتى تابىستالدى.

قىزىلوردا وبلىسى اكىمىنىڭ ءباسپاسوز قىزمەتى