نارىقتا پاتەر باعاسى وتپەي تۇر دەگەندى ريەلتوردىڭ ءوزى مويىنداپ وتىر. جاقىندا ءىرى قۇرىلىس كومپانياسىنىڭ جاۋاپتى مامانىمەن سۇقباتتاستىم. ونىڭ ايتۋىنشا، قۇرىلىسقا كەتەتىن وزىندىك قۇن (شىعىن) مەن نارىقتاعى باعا اراسىنداعى الشاقتىق جەر مەن كوكتەي. قولىنداعى ەسەپتەرىن كورسەتتى. سۇمدىق ەندى. استانا مەن الماتىدا ءبىر بولمەلى پاتەردىڭ قۇنى – ءارى كەتسە، 8-10 ملن.تەڭگەدەن اسپاۋ كەرەك ەكەن. ياعني، باعانى قولدان كوتەرىپ وتىر – دەيدى. ءوزىن كورسەتپەۋىن، اتىن اتاماۋىن ءوتىندى. ارينە، جەپ وتىرعان نانىنان ايىرۋعا ءبىزدىڭ قاقىمىز جوق. ءارى قاراي، ەكونوميست- ساراپشىمەن سويلەستىك، ولاردىڭ ايتۋىنشا، باعانى ادەيى كوتەرىپ وتىرعان قوعامدىق ينستيتۋتتار بار كورىنەدى. ارنايى ماركەتينگتىك اكتسيا جاسايدى. ادامدار سولاردىڭ سوڭىنان ەرەدى – ءمىس. ونىڭ ۇستىنە، پاتەر ساتىپ، ۇستىنەن 40-50 پايىز كورىپ وتىرعان «دەلدالدار» ءۇشىن بۇل كەرەمەت تابىس كوزى. ال، مەنىڭ الىپ-قوسارىم، ءبىز باعانى قولدان رەتتەي المايمىز. تابيعي ءتۇزىلىس \ سۇرىپتاۋ دەگەن بار. ەگەر، وسىلاي جالعاسا بەرسە، قىتايدىڭ قۇرىلىس يندۋسترياسى كىرىپ، نارىقتىڭ بىت-شىتىن شىعارادى. ءبىزدىڭ قۇرىلىس نارىعىنداعى كاسىپكەرلەر دە قىتايلارمەن جۇمىس ىستەۋگە قۇلشىنىپ وتىر. مارجا از. ساپا جوعارى. بىراق، كوپ ساتا الاسىڭ دەگەن كاپيتاليستىك ەسەپ بار. قىتايدان قورىقپاۋ كەرەك، بىزدەگى سىبايلاستىق پەن مونوپوليادان قورقۋ كەرەك. قىتاي ءبىزدىڭ ەكونوميكا مەن نارىققا ىقپال ەتۋى مۇمكىن... ءبىز قالاساق تا، قالاماساق تا وسى...

فوتو اشىق دەرەككوزدەردەن