2023–2025 جىلدارعا ارنالعان ناشاقورلىق پەن ەسىرتكى بيزنەسىنە قارسى كۇرەس جونىندەگى كەشەندى جوسپار اياسىندا سوت-ساراپتاما ورگاندارىن ماتەريالدىق-تەحنيكالىق جابدىقتاۋ ماقساتىندا رەسپۋبليكالىق بيۋدجەتتەن 10,3 ملرد تەڭگە ءبولىندى.

الايدا، 2023–2024 جىلدارى سوت ساراپتامالارى ورتالىعىنىڭ لاۋازىمدى تۇلعالارى مۇددەلى توپپەن الدىن-الا كەلىسىپ، بيۋدجەت ءوتىنىمىن قالىپتاستىرۋ كەزىندە جالعان كوممەرتسيالىق ۇسىنىستار ۇسىنۋ ارقىلى جابدىقتىڭ قۇنىن ءۇش ەسەگە ارتتىرعان.

بۇدان بولەك، مەملەكەتتىك ساتىپ الۋ كونكۋرسى جاريالانباي تۇرىپ، تەحنيكالىق سيپاتتامالاردا تەك وزدەرى تانيتىن كومپانيالار عانا ۇسىنا الاتىن جابدىقتار كورسەتىلگەن.

مۇلىكتى تاركىلەۋ ماقساتىندا كەلەسى جالپى قۇنى 148 ملن تەڭگەدەن اساتىن الماتى قالاسىنداعى 2 جەر تەلىمى، استانا قالاسىنداعى پاتەر جانە BMW ح6 مەن RAV 4 اۆتوكولىكتەرىنە تىيىم سالىندى.

سونىمەن قاتار، بانك ەسەپشوتتارىنداعى 1,6 ميلليارد تەڭگە، 367 مىڭ اقش دوللارى جانە 366 مىڭ ەۋرو سوماسىنداعى كومپانيانىڭ اقشا قاراجاتى بۇعاتتالدى.

قۇقىقتىق ساراپتاما ورتالىعىنىڭ ديرەكتورى، مەملەكەتتىك ساتىپ الۋ دەپارتامەنتىنىڭ باسشىسى جانە جشس باسشىسى ۇستالىپ، سوت ولاردى 2 ايعا قاماۋدا ۇستاۋ جونىندە شەشىم قابىلدادى.

سوتقا دەيىنگى تەرگەۋ جالعاسۋدا.

قارجىلىق مونيتورينگ اگەنتتىگى