كونفەرەنتسيا بارىسىندا اكادەميك قانىش ساتباەۆتىڭ قازاق، اراب، اعىلشىن، فرانتسۋز، يسپان، قىتاي جانە ورىس تىلدەرىندە جارىق كورگەن 10 تومدىق عىلىمي ەڭبەكتەرى مەن «قىسقاشا بيوگرافيالىق وچەركى» تانىستىرىلدى.
ۋنيۆەرسيتەت رەكتورى نۇرلان مەدەتوۆ ءوز سوزىندە كونفەرەنتسيانىڭ ماڭىزدىلىعىنا توقتالدى.
- بۇگىن قانىش ساتباەۆتىڭ مۇراسى تۋرالى ايتقاندا ءبىز ۇلى عالىمدى ەسكە الۋمەن عانا شەكتەلمەيمىز. ءبىز ونىڭ ءىسىن جالعاستىرىپ، قازاقستانداعى عىلىمنىڭ دامۋىنا ۇلەس قوسىپ، زاماناۋي سىن-قاتەرلەرگە جاۋاپ بەرەتىن جانە بولاشاق ۇرپاق ءۇشىن ماڭىزدى باعدار بولۋىن قامتاماسىز ەتەتىن جۇمىس اتقارىپ جاتىرمىز. تورايعىروۆ ۋنيۆەرسيتەتى عىلىم، يننوۆاتسيا جانە ءبىلىم بەرۋدى دامىتۋ باعىتىن تۇراقتى تۇردە ۇستانادى. ءبىز ءدال وسى عىلىمي ورتا قوعامدى جاقسى جاققا وزگەرتەتىن يدەيالاردى قالىپتاستىراتىنىنا سەنىمدىمىز. جىل سايىنعى كونفەرەنتسيا ءدال وسى ماقساتتا ۇيىمداستىرىلادى – عالىمدار، جاس زەرتتەۋشىلەر مەن ستۋدەنتتەر بىرلەسىپ، ءوز جەتىستىكتەرىمەن بولىسەدى. عىلىمنىڭ جاڭا كوكجيەكتەرىمەن شابىتتانادى، - دەپ اتاپ ءوتتى نۇرلان مەدەتوۆ.
10 تومدىق عىلىمي ەڭبەكتىڭ سالتاناتتى تانىستىرۋ راسىمىنە قر ۇلتتىق عىلىم اكادەمياسىنىڭ اكادەميگى، قر پارلامەنتى سەناتىنىڭ دەپۋتاتى التىنبەك نۇحۇلى، قر پارلامەنتى ءماجىلىسىنىڭ دەپۋتاتى جارقىنبەك امانتاي، پاۆلودار وبلىستىق ءماسليحاتىنىڭ توراعاسى يليا تەرەنچەنكو، سونداي-اق قازاقستاننىڭ ەڭبەك ەرى رىشات امرەنوۆ قاتىستى.
ساتباەۆ وقۋلارى قازاقستان عىلىمىنىڭ وزەكتى ماسەلەلەرىن تالقىلاۋ الاڭىنا اينالدى. سەكتسيالىق وتىرىستاردىڭ قورىتىندىسى بويىنشا جەڭىمپازدار ماراپاتتالىپ، عىلىمي ماقالالارى جىل سايىنعى جيناققا ەنگىزىلەدى. كونكۋرسقا شامامەن 1500 عىلىمي ماقالا ۇسىنىلىپ، جالپى 36 سەكتسيالىق وتىرىس ءوتتى.
عىلىم جانە جوعارى ءبىلىم مينيسترلىگى
