تەرگەۋ امالدارىنا ساي، «كازسترويوپىت LTD» جشس باسشىسى كونسالتينگتىك قىزمەت كورسەتۋ جەلەۋىمەن كوممەرتسيالىق ۇيىمدار ءۇشىن قۇرىلىس جۇمىستارى تاجىريبەسىن جاساندى تۇردە قالىپتاستىرۋ سحەماسىن ۇيىمداستىرعان.

«ەلەكتروندىق دەپوزيتاري» جۇيەسىنە ورىندالعان جۇمىستار مەن نىسانداردى پايدالانۋعا بەرۋ تۋرالى جالعان اكتىلەر ەنگىزىلىپ وتىرعان. بۇل كليەنت-كومپانيالارعا مەملەكەتتىك ساتىپ الۋعا قاتىسۋ كەزىندە نەگىزسىز ارتىقشىلىقتار بەرگەن.

سحەما الەۋمەتتىك جەلىلەر مەن ينتەرنەت-پلاتفورمالار ارقىلى بەلسەندى تۇردە جارنامالانعان.

قىلمىستىق توپ قۇرامىنا 11 ادام كىرگەن. سونىمەن قاتار، شىمكەنت قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ لاۋازىمدى تۇلعالارىنا جالعان جۇمىس تاجىريبەسىن راستاعانى ءۇشىن زاڭسىز سىياقى جەتكىزىپ وتىرعان دەلدالدار انىقتالدى.

قىلمىستىق كىرىستەردى زاڭداستىرۋ ءۇشىن باقىلاۋداعى زاڭدى تۇلعالار پايدالانىلىپ، ولار ارقىلى اقشا قاراجاتى جيناقتالىپ، قولما-قول اقشاعا اينالدىرىلعان.

قىلمىستىق تابىس كولەمى 490 ملن تەڭگەدەن استى.

تەرگەپ-تەكسەرۋ بارىسىندا جالعان جۇمىس تاجىريبەسىن العان جانە مەملەكەتتىك ساتىپ الۋعا قاتىسقان 56 كومپانيا انىقتالدى. تەكسەرۋ جۇرگىزۋ ءۇشىن ماتەريالدار ۋاكىلەتتى ورگاندارعا جولداندى.

ءۇش كۇدىكتى قاماۋعا الىندى، تاعى سەگىز تۇلعاعا قاتىستى ەشقايدا كەتپەۋ جانە ءتيىستى مىنەز-قۇلىق تۋرالى قولحات تۇرىندەگى بۇلتارتپاۋ شاراسى قولدانىلدى.

قىلمىستىق ءىس سوتقا جولداندى.

قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.

ايتا كەتۋ قاجەت، مۇنداي قىلمىستار ادال ەمەس كومپانيالارعا مەملەكەتتىك كەلىسىمشارتتارعا قول جەتكىزۋگە مۇمكىندىك بەرەدى. بۇل ساپاسىز جوبالاردىڭ جۇزەگە اسۋ تاۋەكەلىن ارتتىرىپ، ادال بيزنەس سۋبەكتىلەرىن تەڭ ەمەس جاعدايعا قويادى.

قر قما ءباسپاسوز قىزمەتى