قۇرمەتتى دوستار، كەشە جاس رەجيسسەر دۋمان ەركىمبەكتىڭ «QAITADAN» اتتى ءفيلمىن تاماشالادىق. جوبا مادەنيەت جانە اقپارات مينيسترلىگى مەن ۇلتتىق كينونى قولداۋ ورتالىعىنىڭ قولداۋىمەن جۇزەگە استى. بۇل – تەك ءبىر ءفيلمنىڭ ەمەس، جۇيەلى جۇمىستىڭ ناتيجەسى.

سوڭعى جىلدارى ءبىز قازاق كينوسىنىڭ ىشىندە جاڭا لەپتىڭ، جاڭا ەسىمدەردىڭ پايدا بولعانىن كورىپ وتىرمىز. بۇل ءۇردىستىڭ ارتىندا ناقتى مەحانيزمدەر تۇر. اتاپ ايتقاندا، سوڭعى ەكى جىلدا كينو ورتالىعىندا جوبا مەنەدجەرلەرى جۇمىس ىستەي باستادى. بۇل سالاعا ايتارلىقتاي سەرپىلىس اكەلدى: ەندى جوبالار تەك ستسەناري كۇيىندە قالماي، ءوندىرىس پەن پروكاتقا دەيىن تولىق سۇيەمەلدەۋگە يە بولىپ وتىر.

📍 مىسالى، بيىلدىڭ وزىندە:

 🔻 10 فيلم ۇلكەن ەكرانعا شىقتى: «تەزەك»، «Fake-وۆىي ارمان»، «90+1»، «تارلان»، «يگرومانكا»، «Joqtau»، «اروماتنوە سەردتسە»، «التىن ادام» جانە ت.ب.

 🔻 15 جاڭا كينوجوبا ءوندىرىس ساتىسىندا، ونىڭ ىشىندە 3 انيماتسيالىق فيلم. اتاپ ايتساق: «اقجەلەڭ»، «38»، «كەنجەم قايدا؟»، «مۇعالىم»، «ادامزاتقا ىزدەۋ سالامىن»، «كوماندا ا» جانە ت.ب.

ەڭ قۋانىشتىسى، دەبيۋتتىك جوبالارعا ەرەكشە نازار اۋدارىلىپ وتىر. جاس رەجيسسەرلەرگە سەنىم ارتىلىپ، ولاردىڭ يدەيالارى تۇتاس فيلمگە اينالۋدا. «QAITADAN» – وسىنىڭ ايقىن دالەلى.

كەشەگى كورسەتىلىمنەن كەيىن جينالعان جۇرت ءفيلمنىڭ تەرەڭ مازمۇنى مەن ساپاسىنا وڭ باعا بەرىپ، شىعارماشىلىق توپقا ريزاشىلىق ءبىلدىردى. كارتينادا زاماناۋي ۆيزۋال، باتىل شەشىمدەر مەن جاڭاشىل كوزقاراس ايقىن بايقالادى.

 فيلم بۇگىننەن باستاپ پروكاتتا. قازاق كينوسىن قولداپ، جاڭا تولقىنعا جول اشايىق!