وتىرىس بارىسىندا 2025 جىلعا ارنالعان ينۆەستيتسيالىق جوسپار مەن نارىقتىق قارجىلاندىرۋدى تارتۋ ارقىلى پيلوتتىق جوبالاردى ىسكە اسىرۋ تەتىكتەرى بويىنشا ۇسىنىستار قارالدى. قانات بوزىمباەۆ ۇيىمداستىرۋشىلىق ىركىلىستەردىڭ الدىن الۋ ماقساتىندا پيلوتتىق جوبالاردى ىسكە اسىرىپ جاتقان تابيعي مونوپوليا سۋبەكتىلەرى (تمس) ءۇشىن نۇسقاۋلىق ازىرلەۋدى تاپسىردى.

بۇدان بولەك، ۆيتسە-پرەمەر تمس-ءتىڭ ەلەكتروندى ساتىپ الۋ پلاتفورماسى مەن EPC-مەردىگەرلەر مەن جەتكىزۋشىلەردى ىرىكتەۋ جۇيەسىن جەدەلدەتىپ قۇرۋدى جانە سالالىق مەملەكەتتىك ورگاندارعا قاجەتتى ءونىم كولەمدەرىن ايقىنداپ، ىرىكتەۋ كەزەڭىندە بارلىق سىبايلاس جەمقورلىق تاۋەكەلدەرىن بولدىرمايتىن تەتىكتەردى ازىرلەۋدى تاپسىردى.

سونىمەن قاتار قانات بوزىمباەۆ Smart Turmys بىرىڭعاي پلاتفورماسىن ىسكە قوسۋ جانە ەسەپكە الۋ اسپاپتارىنا قويىلاتىن ستاندارتتار مەن تەحنيكالىق تالاپتاردى ازىرلەۋ ءۇشىن جۇمىس توبىن قۇرۋدى تاپسىردى. جەكە جاۋاپكەرشىلىك ونەركاسىپ جانە قۇرىلىس ۆيتسە-ءمينيسترى، جۇمىس توبىنىڭ جەتەكشىسى ءجاننات دۇبىروۆاعا جۇكتەلدى.

قانات بوزىمباەۆ ءتيىمدى كوممۋنيكاتسيانى قامتاماسىز ەتۋ ماقساتىندا ينۆەستورلار، مەردىگەرلەر، وتاندىق وندىرۋشىلەر مەن تمس ءۇشىن call-ورتالىقتى جانە ۇلتتىق جوبانى ءتۇسىندىرۋ ءۇشىن ەنەرگەتيكا جانە كوممۋنالدىق سەكتورلاردى جاڭعىرتۋدىڭ رەسمي سايتىن ىسكە قوسۋدى تاپسىردى.

ۇلتتىق جوبانى ءتيىمدى ىسكە اسىرۋ ماقساتىندا مۇددەلى مەملەكەتتىك ورگاندار اراسىندا ۇيلەسىمدى ءوزارا ءىس-قيمىلدى قامتاماسىز ەتۋ بويىنشا جەكە جاۋاپكەرشىلىك ۇلتتىق ەكونوميكا ۆيتسە-ءمينيسترى اسان دارباەۆقا جۇكتەلدى.

ءباسپاسوز قىزمەتى