مەملەكەت باسشىسىنىڭ جولداۋىندا ايتىلعان تاپسىرمالاردى ورىنداۋ ماقساتىندا 363 شاقىرىمدى قۇرايتىن «قاراعاندى-بالقاش» ۋچاسكەسىندە نەگىزگى قۇرىلىس جۇمىستارىن اياقتادى. اتالمىش ۋچاسكە «ورتالىق-وڭتۇستىك» (استانا-قاراعاندى-الماتى) كولىك ءدالىزىنىڭ ماڭىزدى ستراتەگيالىق بولىگىنىڭ ءبىرى. قايتا جاڭارتۋ اياسىندا جول ءىىى ساناتتان ءى-ب تەحنيكالىق ساناتقا اۋىستىرىلىپ، بولىنەتىن قورشاۋى بار ءتورت جولاقتى قوزعالىستى قامتاماسىز ەتىپ، جۇرگىزۋشىلەرگە قاۋىپسىز ءارى قولايلى جاعداي جاسادى. جوبا قۇرىلىسى بارىسىندا كەلەسى نىساندار سالىندى:
- 11 كوپىر;
- اۋىلشارۋاشىلىعى تەحنيكاسىنا ارنالعان 32 جولوتپە;
- 3 كولىك جول ايرىعى;
- تەمىرجول ارقىلى وتەتىن ءبىر جولوتپە.
جول پايدالانۋشىلاردىڭ قولايلىعى ءۇشىن 18 دەمالىس الاڭدارى، 24 ايالداما، سونداي-اق 1452 جارىق ورناتىلدى. قازىرگى تاڭدا ۋچاسكەدەگى كولىك قارقىندىلىعى تاۋلىگىنە 18 مىڭ اۆتوكولىكتى قۇراسا، ال جاز مەزگىلىندە 25 مىڭعا دەيىن ءوسۋى مۇمكىن.
«ورتالىق-وڭتۇستىك» ءدالىزى ەلىمىزدىڭ سولتۇستىگى مەن وڭتۇستىگىن بايلانىستىرىپ، سونداي-اق رەسەي، قىتاي، قىرعىزستان مەن وزبەكىستان اراسىنداعى ماڭىزدى ترانزيتتىك باعىتتاردىڭ ءبىرى بولماق. ءدالىزدى جاڭعىرتۋ جۇمىستارى ەلىمىزدىڭ كولىك الەۋەتىنىڭ دامۋىنا، ادام تاسىمالىنىڭ كوبەيۋىنە جانە ايماقتاعى بالقاش كولى سەكىلدى تۋريستىك نىساندارىنىڭ دامۋىنا سەپتىگىن تيگىزبەك.
جوبانى جۇزەگە اسىرۋ اياسىندا 4 ملن تونناعا جۋىق اسفالتبەتون قوسپاسى توسەلدى، ونىڭ 610 مىڭ تونناسى بيىل. بۇدان بولەك، ۇلتتىق كومپانيا قاراعاندى-اياگوز-تارباعاتاي-بوعاز، اقشاتاۋ-اعادىر-ورتاۋ، قىزىلوردا-پاۆلودار-ۋسپەنكا-رف شەكاراسى جانە باستاۋ-اقتاۋ-تەمىرتاۋ سەكىلدى رەسپۋبليكالىق اۆتوجولداردىڭ ورتاشا جوندەۋ (123 شاقىرىم) جۇمىستارىن اياقتادى.
2025 جىلى قاراعاندى مەن ۇلىتاۋ وبلىستارىن بايلانىستىراتىن، جالپى ۇزىندىعى 513 شاقىرىم قۇرايتىن «قاراعاندى-جەزقازعان» اۆتوجولىن قايتا جاڭارتۋ بويىنشا جۇمىستار جوسپارلانۋدا. جوبانىڭ بارلىق كەزەڭىندە ساپانى باقىلاۋدى كۇشەيتۋ ءۇشىن ەرسم مەحانيزمى قولدانىلاتىن بولادى. قۇرىلىس جۇمىستارى 2026 جىلعا جوسپارلانعان.
بۇدان باسقا، جالپى ۇزىندىعى 412 شاقىرىمدى قۇرايتىن «جەزقازعان-قىزىلوردا» اۆتوجولىنىڭ قايتا جاڭارتۋ جۇمىستارى جالعاسۋدا. 2024 جىلى قىزىلوردا وبلىسى بويىنشا نەگىزگى جۇمىستار اياقتالىپ، 150 شاقىرىمدا قوزعالىس بەرىلدى. ايماق بويىنشا نەگىزگى جۇمىستاردى 2025 جىلى اياقتالماق. ال ۇلىتاۋ وبلىسى بويىنشا دايىندىق جۇمىستارى باستالدى، ونىڭ ىشىندە تەحنيكالاردى موبيليزاتسيالاۋ جانە ءوندىرىس بازالارىن قۇرۋ.
«قازاۆتوجول» ۇلتتىق كومپانياسى قازاقستاننىڭ كولىك ينفراقۇرىلىمىنىڭ دامۋىنا، قاۋىپسىز قوزعالىستى نىعايتۋعا، قولايلى اۆتوجولدار مەن ايماقتاردى بايلانىستىرۋعا باعىتتالعان اۋقىمدى ينفراقۇرىلىمدىق جوبالاردى جۇزەگە اسىرۋدا.
قازاۆتوجول
