پرەمەر-مينيستر ولجاس بەكتەنوۆتىڭ توراعالىعىمەن ۇكىمەت وتىرىسىندا مەملەكەت باسشىسىنىڭ ەنەرگەتيكالىق ينفراقۇرىلىمدى جاڭعىرتۋ جونىندەگى تاپسىرماسىن ورىنداۋ شەڭبەرىندە وتكەن جىلىتۋ ماۋسىمىنىڭ قورىتىندىسى مەن الداعى جىلۋ بەرۋ ماۋسىمىنا دايىندىق بارىسى قارالدى. جيىندا ەنەرگەتيكا ۆيتسە-ءمينيسترى سۇڭعات ەسىمحانوۆ، KEGOC كومپانياسىنىڭ باسقارما توراعاسى ءنابي ايتجانوۆ، «سامۇرىق-ەنەرگو» كومپانياسىنىڭ باسقارما توراعاسى قايرات ماقسۇتوۆ، سونداي-اق قاراعاندى، ماڭعىستاۋ، باتىس قازاقستان جانە جامبىل وبلىستارىنىڭ اكىمدەرى بايانداما جاسادى. ءنابي ايتجانوۆ وتكەن كۇزگى-قىسقى كەزەڭنىڭ قورىتىندىلارى جانە الداعى 2026-2027 جىلدارعا دايىندىق تۋرالى ايتتى.

«وتكەن كۇزگى-قىسقى كەزەڭدە قازاقستاننىڭ ءبىرتۇتاس ەلەكتر ەنەرگەتيكالىق جۇيەسىنىڭ تۇتىنۋ ماكسيمۋمى 2025 جىلعى 18 جەلتوقساندا تىركەلىپ، 17 724 مۆت-تى قۇرادى. 2024-2025 جىلدارداعى كۇزگى-قىسقى كەزەڭمەن سالىستىرعاندا جۇكتەمە ماكسيمۋمى 3%-عا ءوسىپ، 521 مۆت بولدى. 2025 جىلى ەلەكتر ەنەرگياسىن تۇتىنۋ 2024 جىلمەن سالىستىرعاندا 4,6 ملرد كۆت/ساعاتقا نەمەسە 3,8%-عا ارتىپ، 124,6 ملرد كۆت/ساعاتتى قۇرادى. 2025–2026 جىلدارداعى كۇزگى-قىسقى كەزەڭدە ەلەكتر ەنەرگياسىن تۇتىنۋ كولەمى الدىڭعى كەزەڭمەن سالىستىرعاندا 1,6 ملرد كۆت/ساعاتقا، ياعني 2,4%-عا ءوسىپ، 66,9 ملرد كۆت/ساعاتقا جەتتى. 2025 جىلى ەلەكتر ەنەرگياسىن ءوندىرۋ 5,2 ملرد كۆت/ساعاتقا نەمەسە 4,4%-عا ارتىپ، 123,1 ملرد كۆت/ساعاتتى قۇرادى. 2025-2025 جىلداردىڭ كۇزگى-قىسقى كەزەڭىندە وتكەن جىلدىڭ وسىنداي كەزەڭىمەن سالىستىرعاندا 2,3 ملرد كۆت/ساعاتقا نەمەسە 3,5-عا ءوسىپ، 66,9 ملرد كۆت/ساعات بولدى»، — دەدى ول.

2026 جىلعى 1 قاڭتاردا ەلەكتر ستانسالارىنىڭ جالپى بەلگىلەنگەن قۋاتى – 26,8 گۆت، ونىڭ ىشىندە: 51%-ى – كومىرمەن جۇمىس ىستەيتىن جىلۋ ەلەكتر ستانسالارى، 26%-ى – گازبەن جانە مازۋتپەن جۇمىس ىستەيتىن جىلۋ ەلەكتر ستانسالارى، 9%-ى - گيدروەلەكتر ستانسالارى، 14%-ى – جاڭارتىلاتىن ەنەرگيا كوزدەرى، ونىڭ ىشىندە:

8%-ى - جەل ەلەكتر ستانسالارى،

5%-ى – كۇن ەلەكتر ستانسالارى،

1%-ى – شاعىن گيدرو ەلەكتر ستانسالارى.

2025 جىلى قازاقستان رەسپۋبليكاسىندا جاڭا گەنەراتسيانى ىسكە قوسۋ كولەمى 1577,8 مۆت-تى قۇرادى. ونىڭ ىشىندە:

جىلۋ ەلەكتر ستانسالارى – 870,1 مۆت،

جاڭارتىلاتىن ەنەرگيا كوزدەرى – 707,7 مۆت.

2025 جىلى ەلەكتر ەنەرگياسىن ءوندىرۋدى نەگىزىنەن جىلۋ ەلەكتر ستانسالارى قامتاماسىز ەتىپ، ول 74% بولدى. گازتۋربينالىق ەلەكتر ستانسالارى 11%، ءداستۇرلى گيدرو ەلەكتر ستانسالارى – 8% جانە جاڭارتىلاتىن ەنەرگيا كوزدەرىنىڭ ەلەكتر ستانسالارى – 7% كولەمىندە ەلەكتر ەنەرگياسىن ءوندىردى.

پايدالانۋعا بەرىلگەنىنە 30 جىلدان اسقان گەنەراتسيالايتىن جابدىقتاردىڭ ۇلەسى - 45%. جابدىقتاردىڭ جاڭارىپ كەلە جاتقانىن بايقاۋعا بولادى - وتكەن جىلمەن سالىستىرعاندا ەسكىرگەن جابدىقتار 3%-عا ازايدى.

«سوڭعى 5 جىلداعى جاڭارتىلاتىن ەنەرگيا كوزدەرى وبەكتىلەرىنىڭ ءوندىرۋ قۇرىلىمى تۋرالى ايتساق، 2021 جىلدان باستاپ جاڭارتىلاتىن ەنەرگيا كوزدەرىنىڭ بەلگىلەنگەن قۋاتى 1700 مۆت-تان 3700 مۆت-قا دەيىن ارتتى. جىل باسىندا ەنەرگيا جۇيەسىندە جاڭارتىلاتىن ەنەرگيا كوزدەرىنىڭ 170 ەلەكتر ستانساسى جۇمىس ىستەدى. 2025 جىلى ەلىمىزدە جالپى وندىرىلگەن ەلەكتر ەنەرگياسىنداعى جاڭارتىلاتىن ەنەرگيا كوزدەرىنىڭ ءوندىرۋ كولەمى 8,7 ملرد كۆت/ساعاتتى نەمەسە 7%-دى قۇرادى. 2026-2027 جىلدارداعى كۇزگى-قىسقى كەزەڭدە ماكسيمالدى تۇتىنۋ كولەمىنىڭ دەڭگەيى 18,2 گۆت بولادى دەپ كۇتىلۋدە»، — دەدى KEGOC كومپانياسىنىڭ باسقارما توراعاسى ءنابي ايتجانوۆ.

ونىڭ ايتۋىنشا،الداعى كۇزگى-قىسقى كەزەڭنەن ءتيىمدى ءوتۋ ءۇشىن بلوكتىق ستانسالار كەلەسى رەجيمدە جۇمىس ىستەۋى قاجەت. ولار:

ەكىباستۇز گرەس-1 - 8 بلوك;

ەكىباستۇز گرەس-2 - 2 بلوك;

«ەەك» اكتسيونەرلىك قوعامى – 7 بلوك;

جامبىل گرەس-ءى - 4 بلوك.

سونىمەن قاتار:

- جوسپارلانعان قۋاتتى ىسكە قوسۋدى قامتاماسىز ەتۋ قاجەت;

- جۇيەلىك وپەراتورمەن كەلىسىلگەن مەرزىمدە نەگىزگى گەنەراتسيالايتىن جانە ەلەكتر جەلىلىك جابدىقتاردى جوندەۋدى جوسپار بويىنشا ورىنداۋ قاجەت;

- جىلۋ ەلەكتر ستانسالارىنداعى كومىردىڭ نورماتيۆتىك قورلارىن قاماتاماسىز ەتىپ، گاز ەلەكتر ستانسالارى ءۇشىن گازدى ۇزدىكسىز جەتكىزۋدى قامتاماسىز ەتۋ قاجەت;

- جامبىل گرەس-ءىن جەتكىلىكتى كولەمدە وتىنمەن، سالقىنداتقىش سۋمەن قامتاماسىز ەتۋ ماسەلەلەرىن الدىن الا شەشۋ قاجەت.

جىل سايىن ەلەكتر جەلىلىك وبەكتىلەردى كۇزگى-قىسقى كەزەڭنەن ءتيىمدى وتۋگە دايىنداۋ ءۇشىن ءبىزدىڭ كومپانيا ايتارلىقتاي كولەمدە جوندەۋ جۇمىستارىن جوسپارلاپ، ۋاقىتىلى ورىنداۋدا. 2025 جىلى 577 وبەكتىدە جوندەۋ جۇمىستارى جوسپارلاندى. جوندەۋ ناۋقانى ءتيىمدى اياقتالىپ، جۇمىستار جوسپاردان 18%-عا ارتىق جۇرگىزىلدى. وتكىزىلگەن ءىس-شارالاردىڭ ناتيجەسىندە 2025 جىلعى 3 قازاندا كومپانيا كۇزگى-قىسقى كەزەڭدەگى جۇمىسقا دايىندىق پاسپورتىن الدى.

2026 جىلى 589 وبەكتىدە جوندەۋ جۇمىستارىن جۇرگىزۋ جوسپارلانىپ وتىر. جوندەۋ جۇمىستارى ساۋىردە باستالدى. قازىرگى ۋاقىتتا 45 اۆتوكولىك جانە 5 ەلەكتر جەتكىزۋ جەلىسى جوندەۋدەن ءوتتى.

«KEGOC كومپانياسىنىڭ ينۆەستيتسيالىق باعدارلاماسىن جۇزەگە اسىرۋ شەڭبەرىندە 2025 جىلى ينۆەستيتسيالاردى ناقتى يگەرۋ 99,5 ملرد تەڭگەنى قۇرادى، بۇل جىلدىق جوسپاردان 0,5%-عا ارتىق.

2026 جىلعا ارنالعان ينۆەستيتسيالىق باعدارلاما شەڭبەرىندە 182,4 ملرد تەڭگە مولشەرىندە ينۆەستيتسيا جوسپارلانعان، ونىڭ ىشىندە:

- 152 ملرد تەڭگە وندىرىستىك اكتيۆتەردى كەڭەيتۋ مەن دامىتۋعا باعىتتالعان. بۇل قاراجات ەكى ءىرى ينۆەستيتسيالىق جوبا – «قازاقستان بەج-ءىنىڭ وڭتۇستىك ايماعىنىڭ ەلەكتر جەلىسىن كۇشەيتۋ» جانە «باتىس قازاقستان ەنەرگيا جۇيەسىن بىرىڭعاي ەلەكتر ەنەرگيا جۇيەسىمەن بىرىكتىرۋ» جوبالارىنا كوزدەلدى. بۇگىنگى كۇنى جۇمىستار جوسپار بويىنشا ورىندالۋدا.

- سونىمەن قاتار، 30,1 ملرد تەڭگە ءوندىرىستىڭ اعىمداعى دەڭگەيىن ۇستاپ تۇرۋعا ارنالعان.

سوڭعى 3 جىلدا ينۆەستيتسيالىق باعدارلامالار كولەمى 5 ەسەدەن كوپ ارتتى»، — دەدى ول.

باسقارما توراعاسىنىڭ ايتۋىنشا، «قازاقستان ءبىرتۇتاس ەلەكتر ەنەرگەتيكالىق جۇيەسىنىڭ وڭتۇستىك ايماعىنىڭ ەلەكتر جەلىسىن كۇشەيتۋ» جوباسى بويىنشا بارلىق جۇمىستار وندىرىستىك جۇمىس كەستەسىنە سايكەس جۇرگىزىلۋدە. بارلىق 3 قوسالقى ستانسا بويىنشا نەگىزگى ماتەريالدار 100% جەتكىزىلدى، ونىڭ ىشىندە 95%-ى ناقتى ورناتىلدى. بارلىق قوسالقى ستانسالاردا نەگىزگى جانە كوممۋتاتسيالىق جابدىقتار جەتكىزىلدى قازىرگى ۋاقىتتا بۇل جابدىقتاردى باپتاۋ جۇمىستارى جۇزەگە اسۋدا.

«شۋ – جامبىل» جانە «جامبىل – شىمكەنت» اۋە جەلىلەرى بويىنشا قۇرىلىس الاڭدارىنا ماتەريالدار جەتكىزىلىپ، قۇرىلىس-مونتاجداۋ جۇمىستارى جۇرگىزىلۋدە. ىرگەتاستار مەن تىرەكتەردى ورناتۋ، سىمداردى مونتاجداۋ جۇمىستارى جۇرگىزىلۋدە.

جوبا جۇزەگە اسقاننان كەيىن الماتى – جامبىل ۋچاسكەسىندە جەلىنىڭ وتكىزۋ قابىلەتى 1100 مۆت-تان 1500 مۆت-قا دەيىن ارتادى. «قازاقستاننىڭ باتىس ايماعىنىڭ ەنەرگيا جۇيەسىن قازاقستان بەج-ىمەن بىرىكتىرۋ» جوباسى بويىنشا جۇمىستار جوسپارعا سايكەس جۇرگىزىلۋدە.

نەگىزگى جانە كوممۋتاتسيالىق جابدىق جەتكىزىلدى، قوسالقى ستانساسى بويىنشا قۇرىلىس جۇمىستارى بەلگىلەنگەن كەستەمەن جۇزەگە اسۋدا.

«ولكە – قاراباتان» اۋە جەلىسى بويىنشا قازىرگى ۋاقىتتا تىرەكتەرگە ارنالعان ىرگەتاستاردى جەتكىزۋ جانە ورناتۋ، اۋە جەلىسى تراسساسى بويىندا ارالىق مەتالل تىرەكتەر ورناتۋ جۇمىستارى جالعاسۋدا. جوبا باتىس ايماقتى رەسپۋبليكا اۋماعى بويىنشا قازاقستان بەج-ىمەن بىرىكتىرۋ ەسەبىنەن ەنەرگيا تاۋەلسىزدىگىن قامتاماسىز ەتەدى.

#جىلۋ بەرۋ ماۋسىمى #پرەزيدەنتتىڭ تاپسىرماسى #ەنەرگەتيكا #قارجى