2026 جىلدىڭ باسىندا مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۋريستىك سالانى جانە بالالار سپورتىن قولداۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويعان بولاتىن.

زاڭدا بىلىكتىلىك تەستىلەۋىنەن ءساتتى وتكەن جانە ۇلتتىق دايارلىق ستاندارتتارىنا سايكەس وقۋ-جاتتىعۋ پروتسەسىن جۇرگىزەتىن جاتتىقتىرۋشى-وقىتۋشىلارعا لاۋازىمدىق جالاقىسىنىڭ 30%-ى مولشەرىندە قوسىمشا اقى تولەۋ كوزدەلگەن.

قازىرگى ۋاقىتتا ەلىمىزدە 526 بالالار مەن جاسوسپىرىمدەر سپورت مەكتەبى جۇمىس ىستەيدى. بۇل مەكەمەلەردە 15 مىڭنان استام جاتتىقتىرۋشى-وقىتۋشى ەڭبەك ەتەدى. ولاردىڭ جەتەكشىلىگىمەن 398 342 بالا سپورتپەن شۇعىلدانادى. سپورت مەكتەپتەرىنە بالالار 5 جاستان باستاپ قابىلدانادى. بۇگىنگى كۇنى جىلباسىنان بەرى ءار وڭىردەگى سپورتتىق مەكەلەردىڭ 5863 جاتتىقتىرۋشىسى بىلىكتىلىكتى ارتتىرۋ كۋرسنان ءوتتى.

جوسپار بويىنشا جىل سايىن جاتتىقتىرۋشى-وقىتۋشىلاردىڭ شامامەن 30%-دان استامى بىلىكتىلىك تەستىلەۋىنەن وتۋدە. ونى رەسپۋبليكالىق دەنە شىنىقتىرۋ جانە سپورت بويىنشا وقۋ-ادىستەمەلىك جانە تالداۋ ورتالىعى ۇيىمداستىرادى.

جاتتىقتىرۋشى-وقىتۋشىلارعا قوسىمشا اقى تولەۋگە جەرگىلىكتى بيۋدجەتتەن قاراجات ءبولۋ ماسەلەسىن رەسپۋبليكالىق بيۋدجەت كوميسسياسى قولدادى.

زاڭدا بالالار مەن جاسوسپىرىمدەر سپورت مەكتەپتەرىن (بجسم) جان باسىنا شاققانداعى نورماتيۆتىك قارجىلاندىرۋ جۇيەسىنە كوشىرۋ جانە جاتتىقتىرۋشى-وقىتۋشىلاردىڭ ەڭبەكاقىسىن ارتتىرۋ شارالارى قاراستىرىلعان.

2026-2028 جىلدارعا ارنالعان قارجىلاندىرۋدىڭ جالپى كولەمى 74 ملرد تەڭگەنى قۇرايدى. ونىڭ 1,8 ملرد تەڭگەسى جاتتىقتىرۋشى-وقىتۋشىلارعا قوسىمشا اقى تولەۋگە باعىتتالدى.

قالعان قاراجات سپورت مەكتەپتەرىنىڭ ماتەريالدىق-تەحنيكالىق بازاسىن نىعايتۋعا، بالالاردىڭ جارىستار مەن وقۋ-جاتتىعۋ جيىندارىنا قاتىسۋىن قامتاماسىز ەتۋگە، فارماكولوگيالىق قامتاماسىز ەتۋگە، سونداي-اق سپورتتىق كيىم-كەشەك پەن قاجەتتى جابدىقتاردى ساتىپ الۋعا جۇمسالۋدا.

زاڭنامالىق وزگەرىستەر جاتتىقتىرۋشى ماماندىعىنىڭ بەدەلىن ارتتىرۋعا، بالالار مەن جاسوسپىرىمدەر سپورتىنا بىلىكتى مامانداردى تارتۋعا، تاجىريبەلى جاتتىقتىرۋشىلاردى سالادا ساقتاپ قالۋعا جانە بولاشاق چەمپيونداردى دايارلاۋعا قولايلى جاعداي جاساۋعا باعىتتالعان.

ءباسپاسوز قىزمەتى