اتالعان كەلىسىم قازاقستان رەسپۋبليكاسىنىڭ ساۋدا جانە ينتەگراتسيا ءمينيسترى ارمان شاققاليەۆتىڭ قىتايعا جۇمىس ساپارىنىڭ ناتيجەلەرىنىڭ ءبىرى بولدى. سونداي-اق، مينيستر شاققاليەۆ باستاعان دەلەگاتسيا شاندۋن پروۆينتسياسىنىڭ گۋبەرناتورى چجوۋ نايسيانمەن كەزدەستى. كەلىسسوزدەردىڭ نەگىزگى تاقىرىبى قازاقستان مەن شاندۋن اراسىنداعى ساۋدا-ينۆەستيتسيالىق ىنتىماقتاستىقتى نىعايتۋ بولدى.

شاندۋن ءوڭىرىن 100 ملننان استام حالىق مەكەندەيدى. شاندۋن قىتايداعى ەكونوميكاسى الدەقايدا دامىعان ايماققا جاتادى. ەكونوميكانىڭ نەگىزىن اۆتوموبيل، ەلەكترونيكا، نەفتەحيميا، مەتاللۋرگيا جانە اۋىلشارۋاشىلىعى سالالارى قۇرايدى. ماڭىزدى اۋىلشارۋاشىلىق ونىمدەرىنە بيداي، جۇگەرى جانە كوكونىس كىرەدى. كەزدەسۋ بارىسىندا ءسوز العان شاندۋن پروۆينتسياسىنىڭ گۋبەرناتورى چجوۋ نايسيان قازاقستانمەن ىنتىماقتاستىقتى ودان ءارى دامىتۋعا دايىن ەكەنىن ايتتى. «وسى جىلدىڭ ءبىرىنشى توقسانىندا قازاقستاننان شاندۋنعا ەكسپورت كولەمى 8 ملرد ءيۋاندى قۇرادى. شاندۋندىق 45 كومپانيا قازاقستانعا 2 ملرد يۋان كولەمىندە ينۆەستيتسيا قۇيدى. مينيستر مىرزا ءسىزدىڭ بۇل ساپارىڭىز قازاقستان مەن شاندۋن پروۆينتسياسىاراسىنداعى قارىم -قاتىناستى ودان ءارى نىعايتۋعا سەرپىنبەرەدى دەپ سەنەمىن» - دەدى ول.

قر ساۋدا جانە ينتەگراتسيا مينيستر ارمان شاققاليەۆ شاندۋن گۋبەرناتورىنىڭ ىستىق ىقىلاسىنا ريزاشىلىعىن بىلدىرە وتىرىپ، ەكى ەل پرەزيدەنتتەرىنىڭ العا قويعان تاپسىرماسىنا توقتالدى.

«قازاقستان مەن قىتاي ماڭگىلىككە ستراتەگيالىق ارىپتەس بولىپ تابىلادى. ءبىزدىڭ قارىم-قاتىناسىمىزدا جاڭا التىن وتىز جىلدىقتى اشتىق. وتكەن جىلدىڭ قورتىندىسى بويىنشا قىتاي قازاقستاننىڭ ءنومىرى ءبىرىنشى ساۋدا ارىپتەسى بولدى. ەكى ەل اراسىنداعى تاۋار اينالىمى 41 ملرد اقش دوللارىن قۇرادى. ەكى ەلدىڭ كوشباسشىلارى تاۋاراينالىمىن 80 ملرد اقش دوللارىنا دەيىن جەتكىزۋماقساتىن قويدى. ءبىز ءۇشىن ەكونوميكاسى قارقىندى دامىپجاتقان شاندۋن پروۆينتسياسى ۇلكەن قىزىعۋشىلىق تۋدىرىپ وتىر»، - دەدى مينيستر.

ودان ءارى قازاقستاندىق دەلەگاتسيا شاندۋن پروۆينتسياسىنىڭ «Shandong Hi-Speed Group»، «Shandong Energy Group»، «G-WEIKE»، «Lingong Heavy Machinery»، «Tsingtao» سياقتى جەتەكشى كومپانيالارىندا بولدى. اتالعان كومپانيالاردىڭ وندىرىستىك قۋاتتارىمەن تانىسىپ، تاۋ-كەن جانە لوگيستيكا سالالارىنداعى ىنتىماقتاستىقتىڭ ىقتيمال باعىتتارىن تالقىلادى. «Tsingtao Beer Group» كومپانياسىمەن اۋىل شارۋاشىلىق ونىمدەرىن جەتكىزۋ ماسەلەسى تالقىلاندى. سونىمەن قاتار شيىكزاتتىق ەمەس ەكسپورتتى ىلگەرلىتەۋ ماقساتىندا سەمەيدەگى سىرا زاۋىتىن قايتا جانداندىرۋ ماسەلەسى ءسوز بولدى. وسى زاۋىتتان شىققان ءونىم قازاقستان نارىعىن عانا ەمەس، ورتالىق ازيا جانە ەاەو كىرەتىن ەلدەردى دە قامتۋعا مۇمكىندىك بەرەدى.

شاندۋن قىتايداعى كولىك جۇيەسى دامىعان ءوڭىر بولىپ تابىلادى. پروۆينتسيا بەيجىڭ، شانحاي جانە تاعى باسقا قالالارمەن جوعارى جىلدامدىقتاعى تەمىرجولدارىمەن بايلانىسادى. الەمدىك نارىقتارعا ەكسپورتتىق ونىمدەردى جىبەرىپ وتىرعان تسينداو مەن يانتاە پورتتارى حالىقارالىق ساۋدادا ماڭىزدى ءرول وينايدى.

ال تسزينان قالاسىنىڭ مەرى يۋي حايتەنمەن كەزدەسۋ بارىسىندا جوعارى جىلدامدىقتى تەمىر جول باعىتى جانە ونەركاسىپتىك كووپەراتسيا، جاسىل ەنەرگەتيكا، مادەني-گۋمانيتارلىق سالالارداعى ىنتىماقتاستىق پەرسپەكتيۆالارى تالقىلاندى.