2026 جىلعى 3 قىركۇيەكتە استانا قالاسىندا قازاقستان رەسپۋبليكاسىنىڭ باس پروكۋرورى بەرىك اسىلوۆ پەن لاوس حالىقتىق-دەموكراتيالىق رەسپۋبليكاسىنىڭ جوعارعى حالىق پروكۋراتۋراسىنىڭ باس پروكۋرورى ليۆونگ لاولي اكتيۆتەردى قايتارۋ سالاسىنداعى ىنتىماقتاستىق تۋرالى مەموراندۋمعا قول قويدى.
قۇجات ۆەدومستۆوارالىق ىنتىماقتاستىقتى دامىتۋعا، تاجىريبە جانە اقپارات الماسۋعا، سونداي-اق ۇرلانعان اكتيۆتەردى قايتارۋ ماسەلەلەرى بويىنشا ءوزارا جاردەم كورسەتۋگە قۇقىقتىق نەگىز قالىپتاستىرادى.
حالىقارالىق ىنتىماقتاستىقتى كەڭەيتۋ زاڭسىز شىعارىلعان قاراجاتتى جەدەل انىقتاۋعا، ىزدەستىرۋگە جانە قايتارۋعا، سونداي-اق ولاردى شەتەلگە شىعارۋ مەن جاسىرۋعا جول بەرمەۋگە مۇمكىندىك بەرەدى.
مەموراندۋم حالىقارالىق شارتتار مەن ۇلتتىق زاڭناماعا سايكەس قىلمىستىق ىستەر بويىنشا ىنتىماقتاستىققا جاردەم كورسەتۋدى، كونسۋلتاتسيالار وتكىزۋدى، وزىق تاجىريبەمەن الماسۋدى، سونداي-اق پروكۋراتۋرا ورگاندارى قىزمەتكەرلەرىنىڭ بىلىكتىلىگىن ارتتىرۋدى كوزدەيدى.
مەموراندۋمعا قول قويۋ قازاقستاننىڭ وسى باعىتتاعى حالىقارالىق ىنتىماقتاستىعىن ودان ءارى نىعايتۋ جولىنداعى كەزەكتى قادام بولدى.
باس پروكۋراتۋرانىڭ ءباسپاسوز قىزمەتى
