تەكسەرۋ بارىسىندا كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىكتەردى بەرگەن كەزىندە (كقكقك) «دوڭعالاقتى كولىك قۇرالدارىنىڭ قاۋىپسىزدىگى تۋرالى» (كو تر 018/2011) كەدەن وداعىنىڭ تەحنيكالىق رەگلامەنتىنىڭ تالاپتارىن بۇزۋ انىقتالدى.

كو تر 018/2011 سايكەس، كقكقك بەرۋ كەزىندە اككرەديتتەلگەن سز كولىك قۇرالىن تەكسەرۋگە، ءنومىرى بويىنشا سايكەستەندىرۋگە، كونسترۋكتسياعا تەحنيكالىق ساراپتاما جاساۋعا جانە قاجەتتى سىناقتار مەن ولشەمدەرگە مىندەتتى. وسى راسىمدەردىڭ ناتيجەلەرى بويىنشا حاتتاما جانە (كقكقك) رەسىمدەلەدى.

الايدا، تەكسەرۋ كورسەتكەندەي، اتالعان زەرتحانالار شۇعىل جەدەل قىزمەتتەردى شاقىرۋ قۇرىلعىلارىنا (شجقشق) فۋنكتسيونالدىق تەكسەرۋلەردى قوسا العاندا، بەلگىلەنگەن سىناقتار جۇرگىزبەگەن، بۇل «سايكەستىكتى باعالاۋ سالاسىنداعى اككرەديتتەۋ تۋرالى» قر زاڭىن جانە «تەحنيكالىق رەتتەۋ تۋرالى» قر زاڭىن بۇزۋ بولىپ تابىلادى.

شجقشق تىركەۋدىڭ نەمەسە باستاپقى شاقىرۋدىڭ بولماۋى كو تر 018/2011 تالاپتارىن بۇزۋ بولىپ تابىلادى، وندا مەمست 33670-2015 سىلتەمەسى بار (1-وزگەرىسپەن رەداكتسيادا). وسى ستاندارتتىڭ گ قوسىمشاسى بەلگىلەنگەن شجقشق تەكسەرۋدى تىكەلەي تاعايىندايدى، بىراق زەرتحانالار بۇل تالاپتى ەلەمەدى.

تەكسەرۋ قورىتىندىسى بويىنشا دەپارتامەنت زاڭ بۇزۋشىلىقتاردى جويۋ تۋرالى ۇيعارىم شىعاردى، زاڭسىز بەرىلگەن كقكقك كۇشىن جويدى، سونداي-اق سىناق زەرتحانالارىن اككرەديتتەۋ اتتەستاتتارىن التى ايعا توقتاتتى. ۇيىمدارعا قاتىستى جالپى سوماسى 4 319 640 تەڭگەگە اكىمشىلىك ايىپپۇل سالىندى.