قاراعاندى وبلىسىندا «CVK» قارجى پيراميداسىنىڭ قۇرىلىمدىق بولىمشەسىن ۇيىمداستىرۋشى س.ش. قايىرباەۆ مۇلكى تاركىلەنە وتىرىپ، ەكى جىلعا باس بوستاندىعىن شەكتەۋ جازاسىنا كەسىلدى.

جوباعا قاتىسۋشىلارعا قۇنى 120-دان 49 مىڭ اقش دوللارىنا دەيىنگى ۆيرتۋالدى دۇكەندەردى ساتىپ الۋ ءۇشىن USDT كريپتوۆاليۋتاسىمەن اقشا سالۋ ۇسىنىلعان. ەسەسىنە ولارعا كۇن سايىن تابىس تۇسەتىنى جانە جاڭا سالىمشىلاردى تارتقانى ءۇشىن قوسىمشا بونۋستار بەرىلەتىنى ۋادە ەتىلگەن.

الايدا ۆيرتۋالدى دۇكەندەردە ورنالاستىرىلعان تاۋارلار ءىس جۇزىندە بولماعان، ال تابىس تابۋ جاڭا قاتىسۋشىلاردى تارتۋعا جانە ولاردىڭ اقشا سالۋىنا تاۋەلدى بولعان.

سالىمشىلاردىڭ قاراجاتى USDT كريپتوۆاليۋتاسىمەن OKX پلاتفورماسى ارقىلى ەلەكتروندى امياندارعا اۋدارىلعان.

جەدەل ءىس-شارالار ناتيجەسىندە 474 مىڭ USDT كولەمىندەگى كريپتواكتيۆتەر بۇعاتتالدى، بۇل 212 ملن تەڭگەگە تەڭ.

سوت ۇكىمىمەن اتالعان تسيفرلىق اكتيۆتەر مەملەكەت كىرىسىنە تاركىلەندى.

قر قما ءباسپاسوز قىزمەتى