قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتى قىزىلوردا وبلىسىنىڭ ارال اۋدانىندا ورنالاسقان "قامىستىباس بالىق پيتومنيگى" رمقك قىزمەتىندە ولشەم بىرلىگىن قامتاماسىز ەتۋ سالاسىنداعى زاڭنامانى بۇزۋشىلىقتاردىڭ انىقتالعانى تۋرالى حابارلايدى.
كوميتەتتىڭ اۋماقتىق بولىمشەسى جۇرگىزگەن جوسپارلى تەكسەرۋ بارىسىندا تەكسەرۋ تۋرالى قولدانىستاعى سەرتيفيكاتتارسىز ولشەۋ قۇرالدارىن پايدالانعان. زاڭنامانىڭ بۇزىلۋى جانۋارلار دۇنيەسىن قورعاۋعا، ءوسىمىن مولايتۋعا جانە پايدالانۋعا، ورمان شارۋاشىلىعىن جۇرگىزۋگە، سونداي-اق تابيعي سۋ رەسۋرستارىمەن جۇمىس ىستەۋگە بايلانىستى قىزمەتتى جۇزەگە اسىرۋ كەزىندە سەنىمسىز ولشەۋ قۇرالدارىن پايدالانعانى انىقتالدى.
"ولشەم بىرلىگىن قامتاماسىز ەتۋ تۋرالى" قازاقستان رەسپۋبليكاسى زاڭىنىڭ تالاپتارىنا سايكەس مەملەكەتتىك مەترولوگيالىق باقىلاۋعا جاتاتىن ولشەۋ قۇرالدارى پايدالانۋعا بەرىلگەنگە دەيىن، جوندەۋ جۇرگىزىلگەننەن كەيىن جانە ودان ءارى پايدالانۋ پروتسەسىندە مىندەتتى تۇردە تەكسەرىلۋى ءتيىس.
زاڭ بۇزۋ فاكتىسى بويىنشا مەكەمەنىڭ لاۋازىمدى ادامى قولدانىستاعى زاڭناماعا سايكەس اكىمشىلىك جاۋاپكەرشىلىككە تارتىلدى. قازىرگى ۋاقىتتا كاسىپورىن انىقتالعان زاڭ بۇزۋشىلىقتاردى جويۋ جانە قىزمەتتى مەترولوگيالىق نورمالارعا سايكەس كەلتىرۋ بويىنشا شارالار قابىلداۋدا.
تەحنيكالىق رەتتەۋ جانە مەترولوگيا كوميتەتى ولشەم بىرلىگىن قامتاماسىز ەتۋ سالاسىنداعى، اسىرەسە قورشاعان ورتانى قورعاۋعا جانە تابيعي رەسۋرستاردى ۇتىمدى پايدالانۋعا اسەر ەتەتىن قىزمەتتى جۇزەگە اسىرۋ كەزىندە تالاپتاردى ساقتاۋ قاجەتتىگىن ەسكە سالادى.
