باس پروكۋراتۋرا قىزمەتكەرلەرى «تازا قازاقستان» ەكولوگيالىق اكتسياسى اياسىندا ۇيىمداستىرىلعان جالپىقالالىق سەنبىلىككە قاتىستى.
ءىس-شارا بارىسىندا باس پروكۋراتۋرا باسشىلىعى ەلوردانىڭ قارقىندى دامىپ كەلە جاتقان اۋماعىندا اعاش وتىرعىزىپ، قالانى كوگالداندىرۋعا ۇلەس قوستى.
سونداي-اق قىزمەتكەرلەر باس پروكۋراتۋرا عيماراتىنىڭ اينالاسىندا تازالاۋ جۇمىستارىن جۇرگىزىپ، كورشىلەس اۋماقتى قوقىستان تازارتتى.
اتالعان اكتسيا قورشاعان ورتانى قورعاۋ، ەكولوگيالىق مادەنيەتتى قالىپتاستىرۋ جانە قوعامدا تازالىق قۇندىلىقتارىن ناسيحاتتاۋعا باعىتتالعان.
پروكۋراتۋرا ورگاندارى الداعى ۋاقىتتا دا ەكولوگيالىق باستامالاردى قولداپ، قوعامدىق ماڭىزى بار ءىس-شارالارعا بەلسەندى قاتىسۋدى جالعاستىرادى.
باس پروكۋراتۋرانىڭ ءباسپاسوز قىزمەتى
