مەملەكەت باسشىسى قاسىم-جومارت توقاەۆتىڭ تاپسىرمالارىن جۇزەگە اسىرۋ اياسىندا وڭىرلەرىندە ەكونوميكانى ءارتاراپتاندىرۋ، وڭدەۋشى ونەركاسىپتى دامىتۋ جانە يمپورتتى الماستىرۋ باعىتىندا جۇيەلى جۇمىستار اتقارىلىپ كەلەدى. اتاپ ايتقاندا، جاڭا ءوندىرىس ورىندارى، لوگيستيكالىق جانە الەۋمەتتىك نىساندار پايدالانۋعا بەرىلدى. 

مەتالل كونسترۋكتسياسى مەن بەتون زاۋىتى

الماتى وبلىسى قاراساي اۋدانىندا قۇنى 4,7 ملرد تەڭگە بولاتىن كەشەن اشىلدى. جىلدىق قۋاتى – 10 مىڭ توننا مەتالل كونسترۋكتسياسى مەن 300 مىڭ م3 بەتون. سونىمەن قاتار سەندۆيچ-پانەلدەر مەن مودۋلدىك عيماراتتار وندىرىلەدى. 80 جاڭا جۇمىس ورنى اشىلدى. ءونىم ىشكى نارىقتا ساتىلادى جانە قىرعىزستان مەن وزبەكستانعا ەكسپورتتالادى.

لوگيستيكالىق كەشەن 

الماتى وبلىسى قاراساي اۋدانىنداعى 50 گەكتار اۋماقتا «ا» ساناتىنداعى قويما كەشەنىنىڭ ءبىرىنشى كەزەڭى ىسكە قوسىلدى. ءبىرىنشى كەزەڭگە سالىنعان ينۆەستيتسيا كولەمى – 20 ملرد تەڭگە، (جوبانىڭ جالپى قۇنى – 70 ملرد تەڭگە). كەشەن 3PL لوگيستيكالىق قىزمەتتەرىن كورسەتەدى، ال قويمالاردىڭ جالپى اۋدانى 160 مىڭ م2-گە جەتەدى. جوبا اياسىندا 1,2 مىڭ جۇمىس ورنى اشىلادى، قازىرگى ۋاقىتتا 135 ادام جۇمىسپەن قامتىلعان.

تۇيە سۇتىنەن قۇرعاق ۇنتاق شىعاراتىن زاۋىت

ارال قالاسىندا قۇنى 3 ملرد تەڭگە بولاتىن كەشەن ىسكە قوسىلدى (ونىڭ 1,8 ملرد تەڭگەسى «ونەركاسىپتى دامىتۋ قورى» ارقىلى جەڭىلدەتىلگەن قارجىلاندىرۋ). جىلىنا شامامەن 400 توننا ءونىم وندىرىلەتىن بۇل زاۋىتتا 23 ادام تۇراقتى جۇمىسپەن قامتىلادى. كاسىپورىن جەرگىلىكتى مال وسىرۋشىلەردەن تاۋلىگىنە 20 مىڭ ليترگە دەيىن شيكىزات وڭدەيدى.

جوعارى سۇرىپتى اس تۇزىن ءوندىرۋ زاۋىتى 

ارال قالاسىندا قۇنى 1,8 ملرد تەڭگە بولاتىن جوعارى سۇرىپتى اس تۇزىن وندىرەتىن كاسىپورىن اشىلدى. جىلدىق وندىرىستىك قۋاتى 40 مىڭ توننا. 20 تۇراقتى جۇمىس ورنى اشىلدى. ءونىم ىشكى نارىقتى قامتاماسىز ەتىپ، كورشىلەس ەلدەرگە ەكسپورتتالادى.

لامينات وندىرەتىن زاۋىت 

تۇركىستان وبلىسىنداعى «Turan» اەا-دا قۇنى 5 ملرد تەڭگە بولاتىن لامينات وندىرەتىن زاۋىت ىسكە قوسىلدى. ءبىرىنشى كەزەڭدە ىشكى نارىق ءۇشىن جىلىنا 840 مىڭ م2 لامينات وندىرىلەدى جانە 65 جۇمىس ورنى اشىلدى. ەكىنشى كەزەڭ ىسكە قوسىلعاننان كەيىن وندىرىستىك قۋات جىلىنا 2,4 ملن م2-گە دەيىن ارتىپ، جۇمىس ورىندارىنىڭ سانى 150-گە جەتەدى.

دەنە شىنىقتىرۋ-ساۋىقتىرۋ كەشەنى 

اقتوبە وبلىسى العا اۋدانىندا جالپى اۋماعى 3 مىڭ م2 بولاتىن ءجۇزۋ باسسەينى مەن فۋتبول الاڭى بار دەنە شىنىقتىرۋ-ساۋىقتىرۋ كەشەنى پايدالانۋعا بەرىلدى. نىسان تاۋلىگىنە 150 ادامعا دەيىن قابىلداي الادى جانە اۋىل جاستارىنىڭ بۇقارالىق سپورتپەن اينالىسۋىنا مۇمكىندىك بەرەدى.

اتىراۋ – باتۋمي اۋە باعىتى 

قازاقستان مەن گرۋزيا اراسىندا تۇراقتى تىكەلەي اۋە رەيسى ىسكە قوسىلدى. رەيستەر اپتاسىنا ءبىر رەت – سەيسەنبى كۇندەرى Airbus A320 اۋە كەمەلەرىمەن ورىندالادى. جاڭا باعىت حالىقارالىق اۋە قاتىناسىن كەڭەيتىپ، وڭىرلەردىڭ تۋريستىك الەۋەتىن دامىتۋعا ىقپال ەتەدى.

#پرەزيدەنتتىڭ تاپسىرماسى #ونەركاسىپ #وڭدەۋ ونەركاسىبى #وڭىرلەر