پ.قايرات 2021 جىلدىڭ قاراشا ايىندا اقمولا وبلىسىندا «باتىر» قوعامدىق بىرلەستىگىنە وڭالتۋ ورتالىعىن سالۋ ءۇشىن اقشا جيناۋ ماقساتىندا قايىرىمدىلىق اۋكتسيونىن ۇيىمداستىرعان.

جۇرتتىڭ سەنىمىن ارتتىرۋ ءۇشىن وڭالتۋ ورتالىعىنا مۇقتاج مۇگەدەك-بالالار مەن ولاردىڭ اتا-انالارىن ءىس-شاراعا تارتقان.

پ.قايرات تاراپىنان تاراتىلعان جالعان دەرەكتەر بويىنشا 48 ميلليون تەڭگە جينالىپ، قۇنى 100 ميلليون تەڭگە عيمارات سىيعا تارتىلعان. الايدا، اۋكتسيون كەزىندە شىن مانىندە 22 ميلليون تەڭگە تۇسكەن، وسى اقشانى ول ءوزىنىڭ جەكە قاجەتىنە جاراتقان.

سونىمەن قاتار، ول «باتىر» قوعامدىق بىرلەستىگى ءۇشىن قۇنى 30 ملن تەڭگە جەر تەلىمىن ساتىپ العانىن مالىمدەگەن، الايدا بۇل ۋچاستوكتى 2019 جىلى بىرلەستىك ءوزى ساتىپ العان.

وڭالتۋ ورتالىعىنىڭ قۇرىلىسى ءالى باستالماعان قالپىندا تۇر.

ورتالىقتىڭ قاجەتتىلىگىنە بەرىلدى دەگەن عيمارات مۇلدەم جوق بولىپ شىقتى.

سوتقا دەيىنگى تەرگەۋ جالعاسۋدا.

تەرگەۋ مۇددەسىنە بايلانىستى باسقا اقپارات جاريالانبايدى.

ەگەر ءسىز قايرات پەريزاتتىڭ الاياقتىق ارەكەتتەرىنىڭ قۇربانى بولساڭىز، قازاقستان رەسپۋبليكاسىنىڭ قارجىلىق مونيتورينگ اگەنتتىگىنە مىنا مەكەنجاي بويىنشا حابارلاسۋىڭىزدى سۇرايمىز: استانا قالاسى، بەيبىتشىلىك كوشەسى، 10 نەمەسە +7 (7172) 70-84-78, 70-84-79 (قوسىمشا: 21384) تەلەفون نومىرلەرى ارقىلى.

قارجىلىق مونيتورينگ اگەنتتىگى