ينۆەستور — 2016 جىلى «قازمۇنايگاز» ۇك» اق مەن ونەركاسىپتىك جانە مەديتسينالىق گازدار سالاسىنداعى الەمدىك كوشباسشى فرانتسۋزدىق Air Liquide كومپانياسىنىڭ بىرلەسىپ قۇرعان «ەر ليكيد مۋناي تەح گازى» كومپانياسى. جوبا جىلىنا 12 500 نم³/ساع قۋاتتىلىقتاعى قوندىرعى قۇرىلىسىن قاراستىرادى، ونى 2026 جىلدىڭ قازان ايىندا ىسكە قوسۋ جوسپارلانعان.

وندىرىستىك پروتسەسس الەمدىك تاجىريبەدە ەڭ ءتيىمدى ادىستەردىڭ ءبىرى بولىپ سانالاتىن بۋ-پارلى مەتان كونۆەرسياسى بويىنشا پاتەنتتەلگەن تەحنولوگياعا نەگىزدەلەتىن بولادى.

جوبانىڭ باستى جاڭالىعى — پاۆلودار ءوڭىرىنىڭ تابيعي گازعا قولجەتىمدىلىگى شەكتەۋلى جاعدايلارىن ەسكەرىپ ارنايى ازىرلەنگەن بۋتان-بۋتيلەن فراكتسياسىنان سۋتەگى ءوندىرۋدىڭ بىرەگەي تەحنولوگياسىن قولدانۋ بولماق. بۇل يننوۆاتسيالىق ءادىس فرانكفۋرتتەگى Air Liquide ينجەنەرلىك ورتالىعىندا ازىرلەنىپ، الەمدە العاش رەت جۇزەگە اسىرىلادى.

جوبا قازاقستاننىڭ ەنەرگەتيكالىق قاۋىپسىزدىگى ءۇشىن ستراتەگيالىق ماڭىزعا يە. ءوندىرىستىڭ ىسكە قوسىلۋى قىسقى ديزەل وتىنى يمپورتىنىڭ كولەمىن ايتارلىقتاي ازايتۋعا نەمەسە تولىقتاي الماستىرۋعا مۇمكىندىك بەرەدى دەپ كۇتىلۋدە. ۇلتتىق ستاتيستيكا بيۋروسىنىڭ مالىمەتىنشە، بۇل كولەم جىلىنا 200 000 تونناعا دەيىن جەتەدى.

كەلىسىم جوباسىندا كادرلاردى دايارلاۋ ماسەلەسىنە دە ەرەكشە نازار اۋدارىلعان. جوبالاۋ، قۇرىلىس جانە ىسكە قوسۋ كەزەڭدەرىندە ينۆەستور قازاقستاندىق كادرلاردىڭ ۇلەسىن كەمىندە 80% دەڭگەيىندە قامتاماسىز ەتەدى. 192 ۋاقىتشا جانە 25 تۇراقتى جۇمىس ورنى اشىلىپ، قىزمەتكەرلەردىڭ بىلىكتىلىگىن ارتتىرۋ مەن تەحنيكالىق قۇزىرەتتەرىن دامىتۋ جوسپارلانىپ وتىر.

ايتا كەتەيىك، «ەر ليكيد مۋناي تەح گازى» جشس توعىز جىلدان بەرى قازاقستاندا ونەركاسىپتىك گازدار يندۋسترياسىن بەلسەندى دامىتىپ كەلەدى. Air Liquide كومپانياسىنىڭ ەلگە سالعان جالپى ينۆەستيتسيا كولەمى 120 ملن ەۋرودان اسادى.