پاۆلودار وبلىسى بويىنشا قىلمىستىق-اتقارۋ جۇيەسى دەپارتامەنتىنە قاراستى №46 مەكەمەسىندە جەدەل ءبولىم قىزمەتكەرلەرى تىيىم سالىنعان زاتتاردى سوتتالعانعا جەتكىزۋ ارەكەتىنىڭ جولىن كەستى. ايلاكەرلىكپەن جاسالعان بۇل ارەكەت قىزمەتكەرلەردىڭ قىراعىلىعى مەن كاسىبيلىگىنىڭ ارقاسىندا اشكەرەلەندى. سوتتالعانعا جولدانعان باندەرولدى جوسپارلى تەكسەرۋ بارىسىندا قىزمەتكەرلەر ونىڭ ءىشىن مۇقيات قاراپ شىقتى. العاش قاراعاندا قوراپتىڭ ىشىندە كادىمگى شاي پاكەتتەرى بولعاندىقتان، كۇمان تۋعىزباعان. الايدا تولىق تەكسەرۋ كەزىندە ولاردىڭ مۇلدە باسقا نارسە ەكەنى انىقتالعان. ءبىر رەتتىك شاي پاكەتتەرىن اشۋ بارىسىندا ولاردىڭ ىشىنە SIM-كارتالار جاسىرىلعانى بەلگىلى بولدى. جىبەرۋشى ۇساق پلاستيك بولشەكتەر شايدىڭ اراسىندا بايقالماي كەتەدى دەپ ۇمىتتەنگەن بولۋى مۇمكىن. دەگەنمەن قىزمەتكەرلەردىڭ قىراعىلىعىنىڭ ارقاسىندا بۇل بايلانىس قۇرالى سوتتالعانعا جەتپەي، دەر كەزىندە انىقتالىپ، توقتاتىلدى. ايتا كەتۋ كەرەك، سوتتالعاندارعا ۇيالى بايلانىس قۇرالدارىن پايدالانۋعا قاتاڭ تىيىم سالىنعان. مۇنداي شەكتەۋلەر جاڭا قۇقىق بۇزۋشىلىقتاردىڭ الدىن الۋ، سونداي-اق كۋالار مەن جابىرلەنۋشىلەرگە قىسىم كورسەتۋدىڭ جولىن كەسۋ ماقساتىندا ەنگىزىلگەن. انىقتالعان بارلىق SIM-كارتا تاركىلەنىپ، ءتيىستى تۇردە قۇجاتتاندىرىلدى. قازىرگى ۋاقىتتا سوتتالعانعا قاتىستى تارتىپتىك جاۋاپكەرشىلىك ماسەلەسى قاراستىرىلىپ جاتىر.ال جىبەرۋشىگە قازاقستان رەسپۋبليكاسىنىڭ زاڭناماسىنا سايكەس اكىمشىلىك جاۋاپكەرشىلىك قاراستىرىلۋى مۇمكىن. قاج قىزمەتكەرلەرى مەكەمەلەرگە تەلەفون، SIM-كارتا، ەسىرتكى زاتتارى نەمەسە سپيرتتىك ىشىمدىكتەر سياقتى تىيىم سالىنعان زاتتاردى جەتكىزۋ ارەكەتى – زاڭ بۇزۋشىلىققا جاتاتىنىن ەسكەرتەدى. مۇنداي ايلا-تاسىلدەردىڭ بارلىعى دەر كەزىندە انىقتالىپ، كىنالى تۇلعالار زاڭ الدىندا جاۋاپ بەرەدى.

اقپارات كوزى Polisia.kz سايتىندا: https://polisia.kz/pavlodar-oblysynda-sottalghangha-tyjym-salynghan-zatty-zhasyryn-zhetkizu-areketi-ashkerelendi/