بۇل تۋرالى Ras.kz Associated Press-كە سىلتەمە جاساپ حابارلايدى.

سوتقا بەرگەندەردىڭ ءبىرى ونى 16 جاسىندا زورلاعانىن ايتادى. كەيبىر ەپيزودتار P.Diddy-ءدىڭ «اق كەشتەر» دەپ اتالاتىن كەشتەرىندە ءوتتى دەگەن بولجام بار.

بارلىق التى تالاپ-ارىز قاۋىپسىزدىك ماقساتىندا ءانونيمدى تۇردە بەرىلگەن. بەلگىلىسى، ونىڭ ەكەۋىن ايەل، تاعى تورتەۋىن ەر ادام بەرگەن.

ولار شوندى «داڭقىن پايدالانىپ» زورلىق-زومبىلىق جاسادى دەپ ايىپتادى.

كەيبىر شاعىمدانۋشىلاردىڭ ايتۋىنشا، رەپەر ونىڭ تالابىن ورىنداۋدان باس تارتقانداردى نەمەسە وعان كوپشىلىك الدىندا قارسىلىق كورسەتۋدى جوسپارلاعانداردى «ولتىرەمىن» دەپ قورقىتقان.

ادۆوكات توني بازبي قازاننىڭ 2-ءسى كۇنى P.Diddi-گە قارسى 120 ادام سوتقا شاعىم تۇسىرگەنىن، ولاردىڭ 25-ءى زورلىق-زومبىلىق كەزىندە كامەلەتكە دەيىنگى جاستا بولعانىن حابارلادى.

قورعاۋشىلاردىڭ ايتۋىنشا، كەيبىر جاعدايلاردا كەشتەردە جابىرلەنۋشىلەردىڭ سۋسىندارىنا بەلگىسىز زاتتار، سونىڭ ىشىندە ەسىرتكى ارالاستىرىلعان. سوت پروتسەستەرى 1991 جىلدان بەرگى زورلىق-زومبىلىق ىستەرىن قامتيدى.

18 قىركۇيەكتە 54 جاستاعى شون كومبسقا «ءىرى كولەمدى قىلمىستىق ءىس»، ادام ساۋداسى جانە تاعى بىرنەشە قىلمىس جاسادى» دەگەن ايىپ تاعىلدى.

ول قاماۋعا الىندى جانە برۋكليندەگى فەدەرالدى تۇرمەدە وتىر. رەپەر بارلىق ايىپتاردى جوققا شىعارۋدا.