سالىمشىلاردىڭ ينۆەستيتسيالىق كىرىسى قازاقستان ۇلتتىق بانكىنىڭ (قرۇب), سونداي-اق ينۆەستيتسيالىق پورتفەلدى جەكە باسقارۋشىلاردىڭ (يپب) زەينەتاقى اكتيۆتەرىن باسقارۋ ەسەبىنەن قالىپتاستىرىلادى.

قرۇب-تىڭ مىندەتتى زەينەتاقى جارنالارى (مزج), مىندەتتى كاسىپتىك زەينەتاقى جارنالارى (مكزج), ەرىكتى زەينەتاقى جارنالارى (ەزج) ەسەبىنەن زەينەتاقى اكتيۆتەرىن باسقارۋ جونىندەگى ينۆەستيتسيالىق قىزمەتىنىڭ ناتيجەسىندە 2025 جىلدىڭ ماۋسىمىنان باستاپ 2026 جىلدىڭ مامىرىنا دەيىنگى 12 ايدا ەسەپتەلگەن ينۆەستيتسيالىق كىرىستىڭ مولشەرى شامامەن 2,71 ترلن تەڭگەنى قۇرادى، وسى كەزەڭدەگى كىرىستىلىك 11,46% بولدى.

جۇمىس بەرۋشىنىڭ مىندەتتى زەينەتاقى جارنالارى (جمزج) ەسەبىنەن 2026 جىلعى 1 ماۋسىمداعى جاعداي بويىنشا سوڭعى 12 ايدا ەسەپتەلگەن ينۆەستيتسيالىق كىرىس 115,29 ملرد تەڭگەنى قۇرادى، كىرىستىلىك 17,12%.

ەسكە سالا كەتەيىك، زەينەتاقى اكتيۆتەرىنىڭ جەكەلەگەن قىسقا مەرزىمدى كەزەڭدەردەگى كىرىستىلىگى ولاردى ۇزاق مەرزىمدى باسقارۋ تيىمدىلىگىنىڭ كورسەتكىشى بولا المايدى. كىرىستىلىك دەڭگەيى قارجى قۇرالدارىنىڭ، ۆاليۋتا باعامدارىنىڭ جانە كەزەڭنەن كەزەڭگە دەيىنگى وزگە دە كورسەتكىشتەردىڭ نارىقتىق قۇنىنىڭ قۇبىلمالىلىعىنا بايلانىستى ەكەنىن اتاپ ءوتۋ ماڭىزدى. سوندىقتان ينۆەستيتسيالىق كىرىستىڭ مولشەرىن وبەكتيۆتى تالداۋدى ۇزاق مەرزىمدى كەزەڭگە جاساعان ءجون.

1998 جىلى جيناقتاۋشى زەينەتاقى جۇيەسى قۇرىلعان ساتتەن باستاپ جيناقتالعان ينۆەستيتسيالىق كىرىستىلىك 2026 جىلعى 1 ماۋسىمداعى جاعداي بويىنشا وسپەلى قورىتىندىمەن بۇكىل كەزەڭدەگى 986,70% ينفلياتسيا كەزىندە 1 095,39% قۇرادى.

2026 جىلعى 1 ماۋسىمداعى جاعداي بويىنشا 01.04.2014 جىلدان باستاپ (زەينەتاقى اكتيۆتەرى بجزق-عا بىرىكتىرىلگەننەن كەيىن) جيناقتالعان، قرۇب تاپقان تازا ينۆەستيتسيالىق كىرىس – 10,94 ترلن تەڭگە. ونىڭ سالىمشىلاردىڭ (الۋشىلاردىڭ) زەينەتاقى جيناقتارىنىڭ جالپى كولەمىندەگى ۇلەسى – جۇرگىزىلگەن تولەمدەر ەسەبىمەن 41,2% قۇرايدى، بۇل ينۆەستيتسيالىق قىزمەتتىڭ زەينەتاقى جيناقتارى قۇرىلىمىنداعى ماڭىزدىلىعىنىڭ ايعاعى.

ەستەرىڭىزگە سالا كەتەيىك، سالىمشىلار زەينەتاقى اكتيۆتەرىنىڭ ءبىر بولىگىن (مىندەتتى زەينەتاقى جارنالارى ەسەبىنەن زەينەتاقى جيناقتارىنىڭ 50%-نا دەيىن جانە ەرىكتى زەينەتاقى جارنالارى ەسەبىنەن زەينەتاقى جيناقتارىنىڭ 100%-نا دەيىن) رەتتەۋشىنىڭ تالاپتارىنا سايكەس كەلەتىن جەكە ينۆەستيتسيالىق پورتفەلدى باسقارۋشىعا (يپب) باسقارۋعا اۋدارۋعا قۇقىلى.

بۇل رەتتە سالىمشىلار يپب جۇمىس ىستەيتىن ءۇش ينۆەستيتسيالىق پورتفەلدىڭ ءبىرىن تاڭداي الادى:

• جاسىنا قاراماستان بارلىق سالىمشىلارعا سايكەس كەلەتىن Ki (12) پورتفەلى. ول بويىنشا ەڭ تومەنگى كىرىستىلىك دەڭگەيى سوڭعى 12 ايدا باعالانادى;

• Ki (36) پورتفەلى، ول زەينەتكە شىققانعا دەيىن كەمىندە 3 جىل قالعاندارعا ارنالعان. كىرىستىلىكتىڭ ەڭ تومەنگى دەڭگەيى 36 ايدىڭ قورىتىندىسى بويىنشا باعالانادى;

• ۇزاق مەرزىمدى كوكجيەگى (زەينەتكەرلىككە شىققانعا دەيىن 13 جىلدان استام) بار سالىمشىلارعا ارنالعان Ki (60) پورتفەلى. ەڭ تومەنگى كىرىستىلىك دەڭگەيى 60 اي ىشىندە انىقتالادى.

زەينەتاقى اكتيۆتەرىن ينۆەستيتسيالىق باسقارۋ مەن ەسەپكە الۋدىڭ بۇكىل جۇيەسى اشىق: ءاربىر سالىمشىنىڭ enpf.kz سايتىنداعى جەكە كابينەتىندە نەمەسە ءموبيلدى قوسىمشادا ءوزىنىڭ ينۆەستيتسيالىق تابىسىن كورۋگە مۇمكىندىگى بار.

بجزق زەينەتاقى اكتيۆتەرىن ينۆەستيتسيالىق باسقارۋ جانە بجزق زەينەتاقى اكتيۆتەرى ورنالاستىرىلعان قارجى قۇرالدارى تۋرالى اقپارات بجزق رەسمي سايتىنداعى (www.enpf.kz) "ستاتيستيكا جانە اناليتيكا/زەينەتاقى اكتيۆتەرىن ينۆەستيتسيالىق باسقارۋ" بولىمىندە، سونداي-اق invest.enpf.kz پورتالىندا جاريالانادى.

بجزق 2013 جىلعى 22 تامىزدا «گنپف» جزق» اق نەگىزىندە قۇرىلدى. بجزق قۇرىلتايشىسى جانە اكتسيونەرى – قازاقستان رەسپۋبليكاسى قارجى مينيسترلىگىنىڭ «مەملەكەتتىك مۇلىك جانە جەكەشەلەندىرۋ كوميتەتى» مم ارقىلى قازاقستان رەسپۋبليكاسىنىڭ ۇكىمەتى. بجزق زەينەتاقى اكتيۆتەرىن سەنىمگەرلىكپەن باسقارۋدى قازاقستان رەسپۋبليكاسىنىڭ ۇلتتىق بانكى جۇزەگە اسىرادى. زەينەتاقى زاڭناماسىنا سايكەس بجزق مىندەتتى زەينەتاقى جارنالارىن، جۇمىس بەرۋشىنىڭ مىندەتتى زەينەتاقى جارنالارىن، مىندەتتى كاسىپتىك زەينەتاقى جارنالارىن، ەرىكتى زەينەتاقى جارنالارىن تارتۋدى، سونداي-اق "قازاقستان رەسپۋبليكاسىنىڭ ەكىنشى دەڭگەيدەگى بانكتەرىندە ورنالاستىرىلعان دەپوزيتتەرگە مىندەتتى كەپىلدىك بەرۋ تۋرالى" قازاقستان رەسپۋبليكاسىنىڭ زاڭىنا سايكەس دەپوزيتتەرگە مىندەتتى كەپىلدىك بەرۋدى جۇزەگە اسىراتىن ۇيىم اۋدارعان كەپىلدىك بەرىلگەن دەپوزيت بويىنشا كەپىلدىك بەرىلگەن وتەمنىڭ تالاپ ەتىلمەگەن سوماسى ەسەبىنەن قالىپتاستىرىلعان ەرىكتى زەينەتاقى جارنالارىن ەسەپكە الىپ، ونىڭ ەسەبىن جۇرگىزەدى، زەينەتاقى تولەمدەرىن جۇزەگە اسىرۋدى قامتاماسىز ەتەدى. سونداي-اق قور نىسانالى اكتيۆتەر مەن نىسانالى تالاپتاردى ەسەپكە الۋدى، نىسانالى جيناقتاۋ شوتتارىنا نىسانالى جيناقتاردى (نج) ەسەپكە الۋ مەن ەسەپتەۋدى، نج تولەمدەرىن ولاردى الۋشىنىڭ بانك شوتتارىنا ەسەپتەۋدى، "ۇلتتىق قور – بالالارعا" باعدارلاماسى شەڭبەرىندە قازاقستان رەسپۋبليكاسىنىڭ ۇكىمەتى ايقىنداعان تارتىپپەن نج قايتارىمدارىن ەسەپكە الۋدى جۇزەگە اسىرادى (تولىعىراق www.enpf.kz سايتىندا).

زەينەتاقى قورى