وتان قورعاۋشىلار كۇنى مەن جەڭىس كۇنى قارساڭىندا باتىس قازاقستان وبلىسى پوليتسيا دەپارتامەنتىنىڭ قىزمەتكەرلەرىنە 81 جاڭا قىزمەتتىك اۆتوكولىكتى سالتاناتتى تۇردە تابىستاۋ ءراسىمى ءوتتى، – دەپ حابارلايدى Polisia.kz. ءىس-شاراعا وبلىس باسشىلىعى، قۇقىق قورعاۋ ورگاندارىنىڭ وكىلدەرى جانە پوليتسيا دەپارتامەنتىنىڭ جەكە قۇرامى قاتىستى. باتىس قازاقستان وبلىسىنىڭ اكىمى ناريمان تورەعاليەۆ پوليتسيا قىزمەتكەرلەرىن مەرەكەمەن قۇتتىقتاپ، قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدەگى ادال قىزمەتتەرى ءۇشىن العىسىن ءبىلدىردى. باتىس قازاقستان وبلىسى پوليتسيا دەپارتامەنتىنىڭ باستىعى ارمان ورازاليەۆ تە جەكە قۇرامدى مەرەكەمەن قۇتتىقتاپ، پوليتسيا قىزمەتىنىڭ قوعامدىق ءتارتىپ پەن قاۋىپسىزدىكتى قامتاماسىز ەتۋدەگى ماڭىزىن اتاپ ءوتتى.

سونىمەن قاتار قازاقستان رەسپۋبليكاسى ىشكى ىستەر ءمينيسترىنىڭ اتىنان بىرقاتار قىزمەتكەرگە جوعارى كاسىبيلىگى، قىزمەتتىك مىندەتتەرىن ۇلگىلى اتقارعانى جانە حالىق قاۋىپسىزدىگىن قامتاماسىز ەتۋگە قوسقان ۇلەسى ءۇشىن العىس حاتتار تابىستالدى. سالتاناتتى ءراسىم بارىسىندا ىشكى ىستەر ورگاندارىنىڭ جەدەل-تەرگەۋ بولىمشەلەرىنە ارنالعان 81 جاڭا قىزمەتتىك اۆتوكولىكتىڭ كىلتى تابىستالدى. اۆتوپاركتىڭ جاڭارۋى ازاماتتاردىڭ وتىنىشتەرىنە جەدەل ارەكەت ەتۋگە جانە قىزمەت تيىمدىلىگىن كۇشەيتۋگە مۇمكىندىك بەرەدى.

اقپارات كوزى Polisia.kz سايتىندا: https://polisia.kz/oralda-politsejlerge-zhanga-qyzmettik-avtokolikter-tabystaldy