قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى نۇرلىبەك نالىباەۆتىڭ توراعالىعىمەن ونەركاسىپتىك ساياسات جونىندەگى ۆەدومستۆوارالىق كوميسسيانىڭ كەزەكتى وتىرىسى ءوتتى.
وتىرىس بارىسىندا يننوۆاتسيالىق تەحنولوگيالاردى ەنگىزۋدى كوزدەيتىن مەتاللۋرگيا سالاسىنداعى جاڭا جوبالار قارالدى.
اتاپ ايتقاندا، اقتوبە وبلىسىندا زاماناۋي تەحنولوگيالىق شەشىمدەردى قولدانۋ ارقىلى تازا كاتودتى مىس وندىرۋگە باعىتتالعان جوبا، سونداي-اق قاراعاندى وبلىسىندا ۆولفرام كەنىن وڭدەۋ جانە شيكىزاتتى گيدرومەتاللۋرگيالىق وڭدەۋدىڭ يننوۆاتسيالىق تەحنولوگيالارىن قولدانۋ ارقىلى امموني پاراۆولفراماتىن ءوندىرۋ جوباسى تالقىلاندى.
پرەمەر-ءمينيستردىڭ ءبىرىنشى ورىنباسارى بۇل جوبالاردى ىسكە اسىرۋ ەلدىڭ ەكسپورتتىق سەبەتىن ءارتاراپتاندىرۋ، شيكىزاتتى ەل ىشىندە تەرەڭ وڭدەۋ ارقىلى قوسىلعان قۇنى جوعارى ءونىم ءوندىرۋ سياقتى جوعارى مۋلتيپليكاتيۆتىك اسەرگە يە ەكەنىن اتاپ ءوتتى.
#نۇرلىبەك نالىباەۆ #ونەركاسىپ #وڭدەۋ ونەركاسىبى
