ماڭعىستاۋ وبلىسىنىڭ اكىمى نۇرداۋلەت قيلىباي بەينەۋ اۋدانىنا جۇمىس ساپارى اياسىندا اۋدان تۇرعىندارىمەن كەزدەسۋدەن كەيىن ازاماتتاردى جەكە ماسەلەلەرى بويىنشا قابىلدادى.
جەكە قابىلداۋ بارىسىندا تۇرعىندار جۇمىسپەن قامتۋ، تۇرعىن ۇيمەن قامتاماسىز ەتۋ، دەنساۋلىق ساقتاۋ، ءبىلىم بەرۋ، الەۋمەتتىك قولداۋ جانە وزگە دە وزەكتى ماسەلەلەردى كوتەردى. ازاماتتار وزدەرىن تولعاندىرعان ساۋالدارىن وبلىس اكىمىنە جەتكىزىپ، ولاردى شەشۋ جولدارى بويىنشا ۇسىنىستارىن ءبىلدىردى.
وبلىس اكىمى ءاربىر ءوتىنىش پەن ۇسىنىستى مۇقيات تىڭداپ، كوتەرىلگەن ماسەلەلەردى شەشۋ جولدارىن قاراستىردى. ءتيىستى باعىتتار بويىنشا جاۋاپتى مەملەكەتتىك ورگاندارعا ناقتى تاپسىرمالار بەرىپ، ازاماتتاردىڭ وتىنىشتەرىن قولدانىستاعى زاڭ اياسىندا جان-جاقتى قاراۋدى جانە ولاردىڭ ورىندالۋىن باقىلاۋعا الۋدى تاپسىردى.
ماڭعىستاۋ وبلىسى اكىمىنىڭ ءباسپاسوز قىزمەتى
