وعان حالىق قاھارمانى، ارميا گەنەرالى مۇحتار التىنباەۆ، كورنەكتى مەملەكەت جانە قوعام قايراتكەرى، ديپلومات، تۇركى مەملەكەتتەرى ۇيىمى اقساقالدار كەڭەسىنىڭ مۇشەسى، قىزىلوردا وبلىسىنىڭ قۇرمەتتى ازاماتى يكرام ادىربەكوۆ قاتىستى.
ايماق باسشىسى حالقىمىز ۇلت جىلناماسىنداعى جاڭا كەزەڭگە قادام باسقانىن ايتىپ، كونستيتۋتسيالىق رەفورماعا توقتالدى.
«پرەزيدەنتىمىزدىڭ جارلىعىمەن 21 قاڭتاردا اتا زاڭىمىزعا وزگەرىستەر ەنگىزۋگە قاتىستى ۇسىنىستاردى تۇجىرىمدايتىن كونستيتۋتسيالىق رەفورمالار جونىندەگى كوميسسيا قۇرىلدى. كوميسسيانىڭ قورىتىندى شەشىمىنىڭ ناتيجەسىمەن مەملەكەت باسشىمىز 2026 جىلعى 15 ناۋرىزدا رەسپۋبليكالىق رەفەرەندۋم وتكىزۋ جونىندە جارلىققا قول قويدى.
كونستيتۋتسيا جوباسىندا ۇلى دالانىڭ مىڭجىلدىق تاريحىنىڭ ساباقتاستىعى ساقتالىپ، مەملەكەتتىڭ ۋنيتارلى سيپاتى مەن شەكاراسىنا، اۋماقتىق تۇتاستىعىنا قول سۇعۋعا بولمايتىنى ناقتىلانعان. ەلدىگىمىزدىڭ باستى نىشانى سانالاتىن جاڭا قۇجاتتا «ادام مەملەكەت ءۇشىن ەمەس، مەملەكەت ادام ءۇشىن» قاعيداتى ايقىندالعان.
پرەزيدەنتىمىزدىڭ باستاماسىمەن قولعا الىنعان ساياسي ناۋقاندار مەن رەفورمالاردى جۇزەگە اسىرۋدا سىر جۇرتشىلىعى بەرەكە-بىرلىكتىڭ، تاتۋ تىرلىكتىڭ ۇلگىسىن كورسەتىپ كەلەدى.
مەملەكەت باسشىمىز قاسىم-جومارت كەمەلۇلى سىر بويىندا وتكەن ۇلتتىق قۇرىلتايدا: «سوڭعى جىلدارى قىزىلوردا وبلىسى زامان تالابىنا ساي ءوسىپ-وركەندەپ جاتىر»، – دەپ ەرەكشە اتاپ ءوتىپ، اتقارىلعان جۇمىستارعا وڭ باعاسىن بەردى. الداعى ۋاقىتقا دا سىر ءوڭىرىنىڭ الەۋمەتتىك-ەكونوميكالىق جاعدايىن جاقسارتۋعا، ساۋلەتتىك كەلبەتىن جاڭارتۋعا، زاماناۋي عيماراتتاردىڭ بوي كوتەرۋىنە باعىتتالعان جاڭا جوبالار جوسپارلانعان. بۇل باستامالار ارداگەرلەرىمىزدىڭ اقىل-كەڭەسىمەن، تۇرعىندارىمىزدىڭ سۇرانىسىنا سايكەس ىسكە اسۋدا. ەلىمىزدىڭ تۇراقتى دامۋى مەن حالىقتىڭ بىرلىگىن ساقتاۋدا ارداقتى ارداگەرلەرىمىزدىڭ ورنى ەرەكشە»، – دەدى ن.نالىباەۆ.
جيىندا مۇحتار التىنباەۆ پەن يكرام ادىربەكوۆ ءسوز سويلەپ، اتقارىلعان جۇمىستارعا وڭ باعاسىن بەردى. سونىمەن قاتار مەملەكەت جانە قوعام قايراتكەرلەرى بەكمىرزا ەلامانوۆ، يبراگيم ابيبۋللاەۆ، وبلىستىق ارداگەرلەر كەڭەسىنىڭ توراعاسى سەرىك دۇيسەنباەۆ، قورقىت اتا اتىنداعى قىزىلوردا ۋنيۆەرسيتەتىنىڭ باسقارما توراعاسى – رەكتورى، وبلىستىق «ادىلەتتى جانە پروگرەسسيۆتى قازاقستاننىڭ حالىقتىق كونستيتۋتسياسى ءۇشىن!» وڭىرلىك كواليتسيا جەتەكشىسى ناۋرىزباي بايقاداموۆ كونستيتۋتسيالىق رەفورماعا قاتىستى پىكىرلەرىن ورتاعا سالدى.
سونداي-اق كونستيتۋتسيالىق رەفورما جونىندە جارتى جىلعا جۋىق ۋاقىتقا سوزىلعان، ءارتۇرلى الاڭداردا جۇرگىزىلگەن جالپىحالىقتىق تالقىلاۋلار قوعامنىڭ ساياسي بەلسەندىلىگى مەن ازاماتتىق جاۋاپكەرشىلىگىنىڭ ايقىن كورىنىسى ەكەنى ايتىلدى. ەل تاعدىرىنا قاتىستى ماڭىزدى شەشىمدەردى حالىقتىڭ تىكەلەي داۋىس بەرۋىنە ۇسىنۋ – دەموكراتيانىڭ شىنايى ءارى مىزعىماس قاعيداتى. جاڭا كونستيتۋتسيا جوباسىندا مەملەكەتىمىزدىڭ ىرگەلى نەگىزدەرى، باستى قۇندىلىقتارى مەن دۇنيەتانىمدىق ۇستانىمدارى جۇيەلەنىپ، زاماناۋي تالاپتارعا ساي جاڭعىرتىلدى.
ەسكە سالساق، قالامىزدا وتكەن تاريحي ماڭىزدى جيىندا مەملەكەت باسشىسى قىزىلوردا قالاسىندا 48 ملرد 500 ملن تەڭگەگە پەرزەنتحانا، 14 ملرد 780 ملن تەڭگەگە ەمحانا سالىناتىنىن، 36 ملرد 400 ملن تەڭگەگە كوپبەيىندى اۋرۋحانانىڭ قۇرىلىسى باستالعانىن جاريالاعان ەدى. وتكەن اپتادا اتالعان مەديتسينا نىساندارىنىڭ جانە تيتوۆ قىستاعىندا اۋىسىمىنا 400 كەلۋشىگە ارنالعان ەمحانانىڭ ىرگەتاسى قالاندى.
قىزىلوردا وبلىسى اكىمىنىڭ ءباسپاسوز قىزمەتى
