وزدەرىن زەرگەرلىك بۇيىمدار ساتۋمەن اينالىساتىن كومپانيا رەتىندە تانىستىرعان كۇدىكتىلەر سالىمشىلارعا سالعان سومالارىنان 20-40% كولەمىندە اي سايىن تابىس تاباسىڭدار دەپ ۋادە بەرگەن.

الايدا، شىن مانىندە تولەمدەر ساتۋدان تۇسكەن پايدادان ەمەس، جاڭا قاتىسۋشىلاردىڭ سالىمدارى ەسەبىنەن جۇزەگە اسىرىلعان.

ناتيجەسىندە قارجىلىق پيراميداعا 4 مىڭنان استام سالىمشى تارتىلعان.

قىلمىستىق تابىسقا كۇدىكتىلەر ەكى پاتەر، تۇرعىن ءۇي جانە 10 اۆتوكولىك ساتىپ العان.

ء تىنتۋ بارىسىندا 374 ميلليون تەڭگە قولما-قول اقشا جانە قۇنى 300 ميلليون تەڭگەدەن استام 12 كگ التىن بۇيىمدار تاركىلەنگەن.

كۇدىكتىلەر ەكى ايعا قاماۋعا الىندى.

سوتقا دەيىنگى تەرگەۋ جالعاسۋدا.

قىلمىستىق ءىس جۇرگىزۋ كودەكسىنىڭ 201-بابىنا سايكەس، باسقا اقپارات جاريالاۋعا جاتپايدى.

قما-دە قارجىلىق پيراميداعا ءتان بەلگىلەردى تەكسەرۋگە مۇمكىندىك بەرەتىن «Baiqa, piramida!» تەلەگرام-بوتى ىسكە قوسىلدى.

ەگەر ءسىز نەمەسە جاقىندارىڭىز قارجىلىق پيراميدامەن بەتپە-بەت كەلسەڭىزدەر، تۇرعىلىقتى جەرىڭىز بويىنشا ەكونوميكالىق تەرگەۋ دەپارتامەنتىنە جۇگىنۋىڭىزدى سۇرايمىز.

ازاماتتاردى ساق بولۋعا جانە كۇماندى قارجىلىق ۇيىمدارعا ءوز جيناقتارىن سالماۋعا شاقىرامىز.