ۇمىتكەر ءبىرىنشى نارىقتاعى ارلەنگەن دايىن پاتەردى ساتىپ العىسى كەلسە، 10 پايىزدىق العاشقى جارناسى بولۋى شارت. ال ەگەر ارلەنبەگەن جاڭادان سالىنعان ءۇي نەمەسە قايتالاما نارىقتان ساتىپ الۋ جوسپارى بولسا، 20 پايىزدىق جارناسى بولۋى شارت. يپوتەكا الەۋمەتتىك وسال ساناتقا جاتاتىندارعا 7 پايىزبەن، باسقالارعا 9 پايىزدىق مولشەرلەمەمەن بەرىلەدى. نەسيە كولەمىنە قاتىستى شەكتەۋ بار. وبلىستارداعى تۇرعىن ۇيلەردەن پاتەر ساتىپ الۋعا 30 ملن تەڭگە، ال استانا مەن الماتى قالالارى ءۇشىن 36 ملن تەڭگە دەپ كورسەتىلگەن. جوبا اياسىندا 72 ملرد تەڭگەگە 2 مىڭ 440 نەسيە بەرۋ جوسپارلانىپتى. 

نەسيەنىڭ ەڭ جوعارى سوماسى وبلىستار ءۇشىن – 30 ميلليون تەڭگە. استانا مەن الماتى قالالارى ءۇشىن 36 ميلليون تەڭگە.

 "ناۋرىز جۇمىسكەر" باعدارلاماسىمەن قاتار وتباسى بانكى وتاندىق كاسىپورىندارمەن "كورپوراتيۆتىك" ءونىم شەڭبەرىندە جۇمىس ىستەيدى. بۇل كاسىپورىنداردىڭ ءوز قىزمەتكەرلەرىنە نەسيە بەرۋ ءۇشىن قاراجات ءبولۋىن بىلدىرەدى. "وتباسى بانكى" اق باسقارما توراعاسى ءلاززات يبراگيموۆانىڭ ايتۋىنشا، جوباعا كەنشىلەر، مەتاللۋرگتەر، تاس قالاۋشىلار، ەلەكتريكتەر قۇيۋشىلار قاتىسادى. بۇل قوعامداعى قيىن ەڭبەك جاعدايىنداعى جۇمىسشىلار ءۇشىن تاپتىرمايتىن مۇمكىندىك ەكەنى راس.