سۇحبات بارىسىندا تاراپتار قازاق-ەۋروپالىق ىنتىماقتاستىقتىڭ جاعدايى مەن پەرسپەكتيۆالارىن تولىققاندى تالقىلاپ، اعىمداعى جىلعى بيىك جانە جوعارى دەڭگەيدە جوسپارلانعان ەكىجاقتى ساپارلار مەن ءىس-شارالار كەستەسىن قاراستىردى. حالىقارالىق جانە وڭىرلىك كۇن-ءتارتىبىنىڭ نەگىزگى ماسەلەلەرى بويىنشا پىكىر الماسۋ ءوتتى.

م. نۇرتىلەۋ قازاقستاننىڭ ەۋروپالىق وداقپەن ستراتەگيالىق سەرىكتەستىكتى ودان ءارى تەرەڭدەتۋگە بەيىلدىلىگىن ەرەكشە اتاپ ءوتىپ، ساۋدا جانە ينۆەستيتسيا، كولىك-لوگيستيكا، اسا ماڭىزدى شيكىزات، تسيفرلاندىرۋ سەكىلدى ىنتىماقتاستىقتىڭ باسىم باعىتتارى بويىنشا قول جەتكىزىلگەن ۋاعدالاستىقتاردى ءتيىمدى جۇزەگە اسىرۋدىڭ ماڭىزدىلىعىنا نازار اۋداردى.

سونىمەن قاتار ەۋرووداقتىڭ قازاقستان ازاماتتارى ءۇشىن ۆيزالىق رەجيمىن جەڭىلدەتۋ ماسەلەسىنە ەرەكشە نازار اۋدارىلدى. تاراپتار بۇل باعىتتاعى كەلىسسوزدەرگە دايىندىقتى جالعاستىرۋعا قاتىستى بەرىك ۇستانىمىن راستادى.

ءوز كەزەگىندە ا.سيمكيچ ءوزارا ءىس-قيمىلدىڭ جوعارى قارقىنىن قۇپتاپ، ەكىجاقتى قارىم-قاتىناستاردى دامىتۋعا كۇش سالۋعا دايىن ەكەنىن ءبىلدىردى. كەزدەسۋ سوڭىندا تاراپتار ەكىجاقتى ىنتىماقتاستىقتىڭ وزەكتى ماسەلەلەرى بويىنشا بايلانىستاردى جالعاستىرۋعا كەلىستى.

ەۋروپالىق وداق – قازاقستاننىڭ نەگىزگى ساۋدا جانە ينۆەستيتسيالىق ارىپتەسى. اعىمداعى جىلعى قاڭتار-قاراشا ارالىعىندا تاۋار اينالىمى 44,2 ملرد اقش دوللارىن قۇراپ، وتكەن جىلدىڭ سايكەس كەزەڭىمەن سالىستىرعاندا 17,7%-عا ارتتى. 2005 جىلدان بەرى قازاقستان ەكونوميكاسىنا ەۋروپالىق ينۆەستيتسيانىڭ كولەمى 180 ملرد دوللارعا جەتتى.

اقپارات: قازاقستان رەسپۋبليكاسى سىرتقى ىستەر مينيسترلىگى