بۇگىن قازاقتىڭ شاحانوۆى اتانعان تۇعىرلى تۇلعانىڭ دۇنيە ديدارىن اشقان كۇنى. قازاقتىڭ كورنەكتى اقىنى، قوعام قايراتكەرى مۇحتار شاحانوۆ 82 جاسقا تولىپ وتىر.

مۇحتار شاحانوۆ 1942 جىلدىڭ 2 شىلدەسىندە قازىرگى تۇركىستان وبلىسى تولە بي اۋدانى قاسقاسۋ اۋىلىندا دۇنيەگە كەلەدى.

تاۋەلسىزدىك جىلدارى قازاق ءتىلىنىڭ جاناشىرى، ءدىل مايدانىنىڭ ساردارى رەتىندە رەپۋتاتسيا قالىپتاستىرعان اقىن پارلامەنت ءماجىلىسىنىڭ دەپۋتاتى، قازاقستاننىڭ قىرعىز رەپسۋبليكاسىنداعى ەلشىسى سياقتى جاۋاپتى قىزمەتتەردى اتقاردى.

ونىڭ قازاق ادەبيەتىندەگى ورنى ەرەكشە بولەك. اقىن ۇزاق جىلدار بويى «جالىن» جۋرنالىن باسقارعان.

ول «وتىراردىڭ كۇيرەۋى»، «ەۆەرەستكە شىعۋ»، «عاشىقتىق عالاماتى»، «ەركەكتەر جىرى»، «سۇلۋلىقتى سەزىنۋ نەمەسە عابيدەن مۇستافينمەن قارتتىق جايلى اڭگىمە»، «12-3=؟»، «ارمان»، «شىڭ باسىنداعى وقيعا، «دوستىق ولكەسىنىڭ زاڭى»، «جىگەرلەندىرۋ نەمەسە ءوزىن باقىتسىزبىن دەپ ەسەپتەگەن جىگىتكە جاۋاپ»، «تج-لار»، «ءتورت انا»، «كوسموپوليت قازاقتار» ولەڭ-داستاندارىنىڭ اۆتورى.

ايتا كەتسەك، بيىل مۇحتار شاحانوۆتىڭ ادەبيەتكە، ۇلت رۋحانياتىنا، تۇركى ىنتىماعىنا سىڭىرگەن ەڭبەگى ەسكەرىلىپ، ۇلىتاۋدا وتكەن ۇلتتىق قۇرىلتايدىڭ العاشقى وتىرىسىندا قازاقستاننىڭ ەڭبەك ەرى اتاعى بەرىلدى.

بۇگىن – قازاقتىڭ كورنەكتى اقىنى، قوعام قايراتكەرى مۇحتار شاحانوۆتىڭ تۋعان كۇنى. بەلگىلى اقىن، ۇلت جاناشىرى قازىبەك يسامەن بولعان سۇقباتتىڭ بەينە نۇسقاسىن تومەندەگى سىلتەمە ارقىلى قاراڭىز.