«مەتروپوليتەن» كمك-نىڭ لاۋازىمدى تۇلعالارى مەردىگەر ۇيىمداردىڭ باسشىلارى جانە قىزمەتكەرلەرىمەن الدىن الا ءسوز بايلاسۋ ارقىلى الماتى قالاسىندا مەتروپوليتەندى سالۋ جانە جابدىقتاۋعا بولىنگەن بيۋدجەت قاراجاتىن اسا ءىرى مولشەردە جىمقىرۋ سحەماسىن ۇيىمداستىرعان.

المالى اۋداندىق سوتىنىڭ ۇكىمىمەن «مەتروپوليتەن» كمك-نىڭ جانە مەردىگەر ۇيىمنىڭ 10 لاۋازىمدى تۇلعاسى مۇلكىن تاركىلەۋمەن ۇزاق مەرزىمگە باس بوستاندىعىنان ايىرۋعا، جانە كەلتىرىلگەن زالالدى ورتاق تارتىپپەن وندىرۋگە سوتتالعان.

كاسساتسيالىق تارتىپپەن سوت اكتىسىنىڭ زاڭدىلىعى تەكسەرۋ بارىسىندا جىمقىرىلعان قاراجاتتىڭ 127 ملن تەڭگە سوماسى باسقا زاڭدى تۇلعانىڭ بانك شوتتارىنان انىقتالدى.

پروكۋروردىڭ كاسساتسيالىق نارازىلىعى بويىنشا سوت اكتىلەرى وزگەرتىلىپ، كورسەتىلگەن قاراجات مەملەكەت كىرىسىنە ءوندىرىلدى.

اتالعان فاكت مەملەكەتتىك قارجىعا قول سۇعۋشىلىق ءۇشىن جاۋاپكەرشىلىكتىڭ بۇلتارتپاستىعىن ايقىن كورسەتەدى جانە بيۋدجەت قاراجاتىن پايدالانۋ كەزىندە لاۋازىمدى تۇلعالار مەن وزگە دە قاتىسۋشىلاردىڭ جوعارى دەڭگەيدەگى ادالدىقتى، زاڭدىلىقتى جانە جەكە جاۋاپكەرشىلىكتى ساقتاۋعا مىندەتتى ەكەنىن ايقىندايدى، ويتكەنى بۇل سالاداعى كەز كەلگەن زاڭ بۇزۋشىلىقتار مەملەكەت تاراپىنان ەرەكشە باقىلاۋدا بولادى جانە قاتاڭ قۇقىقتىق سالدارعا اكەلەدى.

باس پروكۋراتۋرانىڭ ءباسپاسوز قىزمەتى