بيىل قىركۇيەك ايىندا مەملەكەت باسشىسى قازاقستان حالقىنا جولداۋىندا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭنىڭ سۋبەكتىلەرى الەۋمەتتىك-مادەني وبەكتىلەردى سالۋعا قاتىسۋى قاجەتتىگىن اتاپ وتكەن ەدى.

جۇيەلى جۇمىس ناتيجەسىندە قۇنى 12 ملرد تەڭگەگە الەۋمەتتىك جوبالار ىسكە اسىرىلماق.

سولاردىڭ ءبىرى – الماتى قالاسىندا زاماناۋي مادەنيەت ورتالىعىن سالۋ جوباسى.

«عيماراتتىڭ اۋدانى ءۇش مىڭ شارشى مەتردەن اسادى جانە ارنايى زالدار مەن امبەباپ كورمە الاڭدارىن، ءبىلىم بەرۋ جانە دەمالىس ورىندارىن قامتيدى. نىسان ىسكە قوسىلعاننان كەيىن جىل سايىن حالىقتىڭ الەۋمەتتىك وسال توپتارىنان كەلۋشىلەرگە تەگىن رەپەتيتسيالار مەن شەبەرلىك ساباقتارى وتكىزىلەدى دەپ كۇتىلەدى»، – دەلىنگەن حابارلامادا.

تاعى ءبىر مىسال، شىمكەنتتە مۇقتاج وتباسىلاردى ودان ءارى قامتاماسىز ەتۋ ءۇشىن مەملەكەت مەنشىگىنە وتەتىن كوپقاباتتى تۇرعىن ءۇي قۇرىلىسى قولعا الىنباق.

پروكۋراتۋرانىڭ مالىمەتىنشە، بۇل باعىتتاعى جۇمىس جالعاسىن تابادى.

بۇعان دەيىن حابارلاعانداي، زاڭسىز اكتيۆتەردى قايتارۋ بويىنشا ارناۋلى مەملەكەتتىك قورعا 176,3 ملرد تەڭگە جينالدى.