ۇيىمداسقان توپتىڭ قاتىسۋشىلارى جالعان ساتىپ الۋ-ساتۋ شارتتارىن، كولىك قۇرالدارىن تەكسەرۋ تۋرالى جالعان اكتىلەردى قولدانىپ، «اۆتوىزدەۋ» اقپاراتتىق جۇيەسىنە شىندىققا سايكەس كەلمەيتىن مالىمەتتەر ەنگىزۋ ارقىلى 77 جۇك كولىگىن باستاپقى تىركەۋدەن وتكىزگەن.

اتالعان زاڭسىز ارەكەت اقتوبە، اتىراۋ جانە باتىس قازاقستان وبلىستارىنىڭ اۋماعىندا سالىق زاڭناماسىندا بەلگىلەنگەن راسىمدەردى ادەيى اينالىپ ءوتۋ ءۇشىن جۇرگىزىلگەن.

باستاپقى تىركەۋ الىمدارىن تولەمەۋ سالدارىنان مەملەكەتكە كەلگەن جالپى زالال 740 ميلليون تەڭگەدەن استى.

سوت شەشىمىمەن ۇيىمداستىرۋشىلار قاماۋعا الىندى.

سوتقا دەيىنگى تەرگەپ-تەكسەرۋ امالدارى جالعاسۋدا.

قر قپك-ءنىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات جاريا ەتىلمەيدى.

قر قما ءباسپاسوز قىزمەتى